حلم رأيت فيه النهار ليل

رأيت أني كنت في المسجد أصلي التراويح وكنت أدعي ومتأثر بالدعاء وكنت أبكي طلعت من المسجد وكان على وجهي أثر البكاء ركبت مع ولد عمي وشافني أبوي سألني ايش في وجهك قلتله مريض ومصدع ولا كنت ابيه يعرف اني كنت أبكي في الصلاة والدعاء بعدين رحت أنا وولد عمي لعزيمة لعمي وما جاء في العزيمة الا ناس قليل جدا المعروفين بس من أولاد عمي والشباب اللي أعرفه فقال ولد عمي لو أدري إن بس هذولا اللي بيجيون كان أخذنا الذبيحة ورحنا الاستراحة بعدين طلعت ومشيت حول بيتنا في وقت الظهر ورجعت دخلت البيت وشفت إن النهار تحول وصار ليل فقابلت أخوي سألته ليش صار ليل فجأه قالي أي ليل الحين نهار ما تشوف قلت أشوفه ليل وصار يحلف إنه نهار وأنا أقوله إنه ليل وكنت أشوفة ليل بس كأنها ليلة مقمره 14أو 15 من الشهر لكن ما كنت أشوف القمر بس الليل مو مظلم مره بعدين دخلنا البيت وسألت ولد خالتي كان جالس وقلتله الحين ليل صح قالي لا نهار بعدها صرت أبكي لأني كنت أعتقد إن في مشكلة بنظري وقلت لأخوي وديني المستشفى بس قبل أرسلي صوري وانا متعافي عشان نوريها الدكتور فأرسلها لزوج اختي بلخطأ فقلت خلاص مو مشكلة طلعنا من البيت وقابلت أبوي فرجعت شفته نهار ما صرت أشوف الليل فقلت لأبوي خلاص صرت أشوفه نهار مو ليل قال خلاص لا تروحون المستشفى قلت لا بنروح يمكن ترجع الحالة هاذي لي. بعدها كأني صرت بالملعب وألعب كورة مع أولاد خالتي ومن أولاد خالتي واحد تخصصه صيدلة وموظف بوزارة الصحة وأنا تخصصي مثله صيدلة بس مو موظف وأبحث عن عمل فسألت ولد خالتي عن هاذي الحالة اللي جاتني بنظري فقالي راح أعطيك رقم دكتورين من موقع وزارة الصحة معروفين واسألهم وبيقولون لك ايش تفسير الحالة اللي جاتك ذكرلي أسماء الدكاترة لكن مو متذكرهم وانتهى الحلم
وجزاك الله خير

أخي الفاضل الكريم إحمد
عفوا ومعذرة على التأخير في الرد بسبب الصيام والعيد
ويدل مجمل الحلم على موضوع ما وقد يكون عائلي ورأيك كان فيه خاطئا ثم عدت للصواب
والله تعالى أعلى وأعلم
وكل عام وأنتم بخير