رؤيا لاخوي..

بسم الله الرحمن الرحيم



السلام عليكم ورحمة الله وبركاته :

ارجو تفسير رؤيا اخي ا لله يجزاك كل خير
يقول :
رأيت كأني صحيت من النوم وكان اليوم يوم زواجي وانا ناسي (عمره 23 سنه - طالب في الجامعه _ اعزب) وتذكرت وكنت سعيد وقمت بسرعه كي استعد واشوف اخواني يقولون لي يالله علشان تتجهز وهم كانوا يتجهزون ويلبسون ،وكذلك امي واخواتي الكل يستعد وسعيد ، شوي أرسلت لي العروسه في برنامج السناب مقطع كانت جالسه امام المرايه تستعد وكان التلفزيون خلفها لانها كانت تصور من المرايه وكان وجهها داائري ولون بشرتها حنطي وكانت مره سعيده انها اخذتني وانا نفس الشي ،وذهبت لولد جيرانا زميل لي كانت علاقتي فيها سابقا اقوى الان سطحيه المهم قلت له اسمع يا
عبد الله خذ هذي الاغراض خلها عندك لان اليوم عرسي وبعد الزواج بارجع اخذها منك،
قال اممما من جدك بتتزوج واليوم عرسك تستهبل ضحكت ، وقال ابشر بسعدك واخذ مني هالاغراض وكانت دباب (دراجه ناريه) كأنها تخصني ..
بعدها جوا اخواني يستعجلوني ورحت للقاعه كانت حلووه وكان فيه اخوان عيال عم امي كبار في السن شيبان قالوا ماشاء الله القاعه مره جممممميله مره عاجبتهم قلت الله يسلمكم ..
ورحت أقول لامي وكان معها وحده (مدري هي خالتي اخت امي اللي اصغر منها والا تكون ام العروسه )، قلت لهم ولاخواتي ان فلان وفلان انبسطوا على القاعه انبسطوا كثير بالذات امي ..


الله يعطينا خير هالرؤيا وخير مافيها والله يصرف عنا شرها وشر مافيها ..

والله يوفقكم ويسخر لكم من عنده ..

وعليكم السلام ورحمة الله وبركاته
اخي الفاضل الكريم يدل مجمل الحلم أن هناك فتاة تفكر في الزواج منك او العكس
والله تعالى اعلى وأعلم
وعيد سعيد وكل عام وأنتم بخير