الفندق..

بسم الله الرحمن الرحيم
السلام عليكم ورحمة الله وبركاته
أرجو ان تكونوا في تمام الصحة والعافية وأرجو منكم تفسير رؤياي جزيتم الفردوس الأعلى من الجنة ..

رأيت كأني كنت في فندق في دور عالي مثل السابع او ماشابه وكنت اشاهد اهلي من الشباك في الأسفل ينتظرونني في طائره خاصه كأنها لنا والساحه الواقفه فيها كأنها مطار ، كأننا في سفر ونود العودة لمدينتنا ، كنت في الصاله ارتب باقي الأغراض واغراض ابني وانا ابحث عن اغراضنا رأيت تحت السرير (كأنه سرير حديد اللي يتصفط تبع الرحلات) بس كأنه ممدود حتى ماعليه لا مفرش ولا أي شي ،، المهم كان تحته ملابس كثيييره لنا مدري كيف جت هنا كأنها كانت منشورة على شبك الغسيل لانها مو جديدة بس مغسوله و نظيفه ..

جلست ابغى أتأكد واطلع اللي لنا الا لقيت ملابس مولود بيبي صغيييير ملابس عمر اقل من شهر كانت جميله اعجبتني وريحتها حلوه كأنها لولد اختي مع ان ولدها الان عمره 10 شهور اخذتها كلها ، وجلست ادور في هالملابس اذا فيه شي لي او لولدي الا لقيت لولدي لبس يوم كان صغير واخذته ومعاه صداريه له!، وجزم الله يكرمك نفس الشي كأنها جزمه يوم كان صغير جزمه يوم كان توه بادي يجلس (مع انه بالحلم كان كأنه نفس عمره بالواقع !) المهم هالجزم نفس شكلها وحده رماديه مقلمه لقيت فردة وادور الثانيه لقيتها في الجهه المقابله واخذتها ، والجزمه الثانيه سوداء مالقيت الا فردة وحده اخذتها وجلست ادور الثانيه ادورها ادورها ادورها عجزت القاها وضاق صدري عليها مررره أقول في نفسي عاد هي اللي راح يلبسها اكثر لانها سوداء ...

بعدها رحت اجمعها هالاغراض اللي اخذتها في شي او شنطه ناسيه ، رجعت اكمل اشيل الأغراض اللي لنا في الصاله الا شفت شنطه او شنطتين ناسيه قلت بعد ناسين شنطه يالله حلوو علشان احط فيها باقي الأغراض ، وفعلا رحت شلت التحف واكسسورات الأثاث اللي كانت على الطاوله (كان هالتحف... الخ لي كنت جايبتها معي علشان ازين فيها هالجناح خلال اقامتنا) شلتها وحطيتها بهالشنطه على الملابس الموجودة فيها كاأن كان فيها بعض الملابس لاهلي قلت بعد احسن ع الملابس علشان ماتتكسر، الا اشوف اهلي من الشباك تحت في الطياره ينتظروني ويأشرون لي استعجل عصببببت قلت الحين ناسين نص اغراضهم بدل مايجون يتفقدونها جالسين يستعجلوني بكيفهم ينتظرون لين اخلص ، الا انتبهت ان خالتي اخت امي جالسه عن باب الجناح او الغرفه على كرسي كأنها تحتريني اخلص ، وقلت في نفسي بما ان هالشنطه باقي فيها فراغ خلني احط فيها باقي الملابس اللي تحت السرير كأن الملابس لاهلي يوم رحت ونزلت راسي تحت السرير ادورها مالقيت أي شي طالعت خالتي وفهمت انها شالتها وحطتها في هالشنطه ..



مطلقة من 3 سنوات
موظفه وابني عمره 5 سنوات ..
والله يعطينا خير هالرؤيا وخير مافيها والله يصرف عنا شرها وشر مافيها والله يجزاك كل خير .