السيارة..

بسم الله الرحمن - بسم الله الرحمن الرحيم
السلام عليكم ورحمه الله وبركاته

ارجو تفسير رؤياي جزاك الله الفردوس الأعلى من الجنه
رأيت كأني اشتريت سيارة بورش كشف ع اساس انها بورش بس ما اتخيل شكلها مثل شكل البورش بس أنها كانت كشف مكشوفه وسوداء وجديدة.. (مع اني في الواقع ما اقود ممنوعه القياده عندنا)
المهم ركبتها وكنت سعيده بها وانا اقودها احس كأني مو عارفه اقودها جيدا بس مسيطره عليها كأنها قير عادي وبدون ما احس إلا أنا حاطتها ع نمره ما ابيها وكنت ع دوار وحسيت اني بانقلب بس قدرت اسيطر عليها.. وكأن فيه احد يلاحقني وكنا خايفه من هذا ووش يبغى!

شوي وانا ماشيه كنت مسرعه شوي إلا اشوف حادث قدامي ماسحبت فرامل أو ماعرفت ما اذكر بس رفعت رجلي عن البنزين يوم هدت سحبت فرامل ونزلت بسرعه ونسيت احطها ع الفاضي ومشت وبسرعه لحقتها وووقفتها...

ورحت اركض للحادث اشوف الحادث كان الحادث في اخوي(ع_23سنه_يدرس جامعة في امريكا) كان منسدح ع قماش وحوله اخواني وابوي كأننا في نص الشارع قلت ووش فيه اصارخ واطالع قدامي إلا اشوف هالشخص اللي كان يلحقني جالس قدامي يراقبني بس بعيييييد بين الناس وكأن محد يشوفه إلا أنا!! ابتسم لي وكأني فهمت انه كان يبي يهديني أو ينبهني ان فيه شي قدامي كأنه كان غرضه انه يحميني بس من بعيد كأن توني عرفت أو فسرت أن قصده كذا...

المهم بسرعه صديت عنه وطالعت اخواني واصارخ فيهم واحس اني باصيح بس كنت مستغربه أن ردة فعلهم عاديه واخوي اللي صاير عليها الحادث منسدح وسطهم ويتقلب يمين ويسار كأن مافيه شي بس كان متضايق!!
واطالع سيارات اخواني وابوي موقفه حول مكان الحادث وكأن سياراتهم كانت كأنها فخمه مو مثل الواقع .. ركبنا سياره اخوي كانت جيب قديم شوي! (س_28 سنه_اعزب_موظف) ركبنا في المرتبه الثانيه انا و اخوي اللي صار عليه الحادث في الوسط وابوي ع يمينه وكان اخوي (ع) اللي صار عليها الحادث مررره معصب ويقول خلااااص بارجع لأمريكاااااا قلت لا لا تكفى انا محتاجة لك والله والله محتاجه لك! سكت وقال طيب ماراح اروح.! ..

يوم وصلنا للبيت ونزلناه هو وابوي شوي الا شفت اخوي(س) رجع وجاب باقي سيارات اهلي اخواني من مكان الحادث للبيت إلا سياااارتي!
قلت يوووه سيارتي هناك الله يستر ماتنسرق عاد مفتاحها فيها وموقفه في نص الشارع.. بس ما كنت خايفه من داخلي حاسه اني بالقها وكأني متوقعه أن هذاك الشخص اللي كان يراقبني بيراقبها ويحميها ورحت اجيبها...


مطلقه
موظفه
عندي ولد عمره 3 سنوات ونصف تقريبا

الله يعطينا خير هالرؤيا وخير مافيها والله يكفينا شرها وشر مافيها

الله يوفقك ويسخر لك ويسهل امورك..

وعليكم السلام ورحمة الله وبركاته
أختي الفاضلة الكريمة يدل مجمل الحلم على إن السيارة هي مسيرة حياتك وأنت تقولينها بنفسك
وقد يكون أمنيتك تملك مثل هذه السيارة
وباقي حلمك روح خبيثة تحاول تحزينك والتأثير عليك في مناماتك فحصني نفسك جيدا فلن يضرك شيء بإذن الله تعالى .
والله تعالى أعلى وأعلم