الجبل والهجرة

بسم الله الرحمن الرحيم

السلام عليكم ورحمة الله وبركاته
أتمنى أن تسمحوا لي بأن أنزل رؤيتين في نفس الصفحه لقصرهما .. اذا لم يسمح بذلك لا بأس انزلها مرة أخرى ولك كل الشكر والامتنان ..

الرؤية الأولى :
رأيت كأني كنت أنا وأبوي واقفين بالسيارة على عتبة باب على راس الجبل ولم يكن حوله أي جدران مبنية !! فقط باب مفتوح ونحن خارجين منه بالسياره على رأس الجبل وقفنا ، حيث كان الجبل صخري ووعر جدا وحوله كذلك جبال محيطة بنا نفس الشي كبيره وصخريه ووعره ولا يوجد امامنا الا طريق صغير جدا جدا كأنه طريق عربات وأيضا وعر ،كأن موجود اسفل الجبل وكأنها ماشي بين هذي الجبال ..
وبينما نحن واقفين رأيت أخي الصغير(16 سنه – طالب ) تحت أسفل الجبل وحيدا ، قلت لابي هيا لنذهب لأخذه بالسياره ،وأبي كان متردد جدا يقول كيف بننزل من فوق على هالصخور والأرض الصخريه الغير مستوية بالسياره مية بالميه بننقلب أو بيصير علينا حادث أو شي مو طيب الله يستر ، قلت لا لا امش امش بسررررعه بسررررعه ماعليك وكأنني خايفه من شي أو كأني حاسه ان فيه احد يلحقنا لو يراقبنا المهم كنت خايفه من ااننا نوقف في مكاننا ونترك اخوي تحت بلحاله ، وابوي متردد وخايف ينزل قلت له يالله يالله يالله اسرع اسرع اسرع ونزلنا على سرعه ويالله يالله بصعوبه وصلنا لاخوي الحمد لله وركبناه معنا ، وكملنا طريقنا وكنا مستغربين ونحمد الله اننا نزلنا بدون مايصير لنا عواقب شديده ..



الرؤية الثانية :
رأيت كأني سمعت أن طليقي شال كل اغراضه وممتلكاته وكل شي يخصه وهاجر لألمانيا بلحاله !! ( مع انه هو كان مايحب ويخاف من السفر لخارج المملكه ) وما أخذ معاه أي احدددد كان حتى زوجته الجديدة(متزوج من 10 شهور وماعزم لزواجه الثاني أي احد حتى اقاربه على ماسمعت منهم وعرفت انهم متضايقين منه ومن اهله علشان انه ماعزمهم ) .
المهم قلت كيف هاجر وكنت متضايقه قلت اكيد بيرجع قالوا ماندري بس انه هاجر وخلاص بيعيش هناك بلحاله كان هذا قراره النهائي ..
قلت في نفسي ايه يوم جت الراتبين يبغى يروح ينبسط فيها ومافكر بولده !! وبعدين وشلوون لو بغيت شي يخص الولد (مع اني في الواقع من انفصلنا ماعمري كلمته وطلبت منه شي .. مصروف ولده يحوله من نفسه ويوم احتجنا عمليه للولد ابوي كلمه وقاله وقال خلاص انا من بكرا باكون موجود وباشوف وضع ولدي وعمليته وباسوي كل شي يوم جاء من بكرا يوم العمليه ماجاء كالعاده تغيير كلامه ... وفي الأخير اهلي هم اللي سووا لولدي العمليه )
المهم انا في الرؤيا ما كان سبب ضيقتي يوم دريت انه بيهاجر علشان لو بغيت شي للولد كيف باوصله لا والله ، ولا انه بيروح نهائيا بس لاني جد رحمته عرفت انه ماقرر هالقرار الا انه واصل لمرحله من الهم والضيقه مايعلم بها الا الله ..
قالت امي عادي لو بغينا شي لولدك ندق عليه الله لا يهينه هذا ولده ..

مطلقة من سنتين و10 شهور
عندي ولد عمره 3 سنوات ونصف
موظفة في قطاع خاص
الله يعطينا خير هالرؤيتين وخير مافيها والله يكفينا شرها وشر مافيها ..والله يسعدك ويسخرلك كل مافيه خير لك ..

وعليكم السلام ورحمة الله وبركاته
أختي الفاضلة الكريمة يدل مجمل الحلم الأول على أن الجبل مشكلة ما عائلة والله سبحانه وتعالى يخففها عليكم
ويدل مجمل الحلم الثاني على تفكيرك الشديد بولدك ومصيره كان الله تعالى في عونك
والله تعالى أعلى وأعلم