أنا وأخواني ..

السلام عليكم ورحمه الله وبركاته
أرجو تفسير رؤياي جزاك الله خيرا

رأيت كأن اخواني جايين للسعودية في الاجازه وبيرجعون بعدها (هم يدرسون في
أمريكا الكبير(أ) أعزب عمره تقريبا 29 سنه – والثاني (ع) أعزب عمره 23
سنه )
المهم يوم انتهت الاجازه وجوا بيرجعون لأمريكا قالوا تعالي معنا غيري جو كلها يومين وارجعي كأني بأروح معهم الويكند لأمريكا وبأرجع !!!!
قالي أخوي (أ) جهزي أغراضك جيبي لكم قمصان يقصد القمصان الطويله اللي مثل
الجلابيه بس خفيفه مع أن عمري وما أحب البسها وغير كذا يبغاني آخذها والبسها
في امريكا !!!

المهم اخذتها ولماوصلنا أمريكا كان بيت اخواني كأنه فيلا كبيره دورين واجهته أغلبها زجاجيه وموجود على البحر كان جميل حتى أثاثة ( مع ان بيتهم في الواقع
مو كذا دور واحد صغير )
المهم أول ماوصلنا طلعنا نسبح ونلعب على البحر واحنا نلعب بالكوره نرميها على بعض اذكر كأن اختي كانت معنا(متزوجه وعندها ولدين ), المهم سقطت وانكسرت
رجلي وتألمت كثيير وضاق صدري ومو قادرة امشي عليها اتجهت للبيت وأنا أقفز
على رجل وحده وكأني كنت متسنده على احد يمكن من اخواني لما وصلت وصعدت درجة البيت درجة المدخل فكرت أجرب امشي عليها لما نزلتها ومشيت عليها عادي كأن مافيها اي شي استغررربت شككت اني كنت اتوهم ...

لما دخلت للبيت صعدت فوق كنا ناوين خلاص ماعاد ننزل للبحر بنكمل الايام نتمشي
ونروح للاسواق صعدت فوق علشان ابدل ملابسي فتحت الدولاب كنت ابغي البس
لبس خفيف تفاجأت ان لي تيشرتات في الدولاب وكلها اغلبها لونها برتقالي فيه كم
قطعه بس تركواز استغربت وش جابها في الدولاب وتذكرت اني تاركة لي ملابس
في غرفتي هذي اللي في بيتهم علشان لو جيت لامريكا يكون لي ملابس موجوده
!!

وكان جنبها على جنب القمصان اللي جبتها اللي قالي اخوي اجيبها
بس مالبست منها لبست لبس كامل بنطلون خفيف وعليه تيشرت وكأن الوانهم رمادي والتيشرت فيه خطوط سودا ..
وانا طالعة من الغرفه شفت اخوي (ع ) جايب ولدي معه ومحلق شعره يقول وش
رايك بالحلاقه قلت زين حلقته والله حلووووه الحلاقة ..

25 سنه مطلقة من 8 شهور تقريبا
متخرجه وعاطله
عندي ولد عمره سنتين و5 شهور

والله يعطينا خير هالرؤيا وخير مافيها والله يكفينا شرها وشر مافيها
والله يوفقك ويسعدك ويجزاك كل خيير ..

أختي الفاضلة الكريمة
يدل مجمل الحلم على تأكيد الحلم
وأن كسر الرجل قد تكون مشكلة الطلاق وإنها ستحل بإذن الله تعالى
وأن أحد من إخوانك يفكر أو يحاول في طريقة للإصلاح بينك وبين زوجك
والله تعالى أعلى وأعلم