الانتقال الى سكن جديد

السلام عليكم ورحمة الله وبركاته
رأيت كأننى انتقلت الى سكن جديد وكأنى أسير فى الطرقه(الممر بين المطبخ والحجرات)بصعوبه جدابسبب ضيقه فكنت اسير بجنبى وكأن شخص يحدثنى بان هذه الشقه أكبر وأوسع من الشقه اللى كنت أسكن فيها فوجدت نفسى أنظر الى الامام وأجد مساحه كبيرة وواسعه من الشقه فوجدت نفسي أرد عليه وأنا أشعر بالحزن صحيح أنها أكبروأوسع وبطل على ناصيتين (شارعين) لكن الشقه التانيه كان ريحها خفيف ودخلت المطبخ فوجدته واسع ثم دخلت غرفه فوجدت فيها ٣ سراير جمب بعض فحدثت نفسى فى حزن بان الحجرة واسعه وتكفى الاولاد ثم دخلت حجرة النوم الرئيسيه فوجدت زوجة أخو زوجى وهى قاعده تحاول أن تقلب فى أغراضى فى الدولاب وأنا أمنعها وأخذ الحاجه منها وأضعها تانى فى الدولاب وهى عماله تسألنى جبتى حاكتك كلها ولالسه طب فين المكياج بتاعك جبتيه فكنت أنا مضايقه من تدخلها وردت عليها أيوه جبت حاكتى كلها وكل حاجه حطاها فى مكنها وفى نفس الوقت أجد بنتها الكبيره كأنها صغيرة فى سن أبنتى الصغيرة واقفة عند السرير وكان فى ملابس لبنتى الصغيرة تحت مخدة السرير وهى عماله تأخذها وتحاول تلبسها وأنا أخذها منها وأرجعها تحت المخده تانى وتكرر الموضوع ده أكتر من مره ثم كأنى أنتقلت الى غرفه أخرى فوجدت زوجى كأنه مريض نائم على السرير وبجواره أخوه واقف جنبه وبيتحدث معه واعطاه نقود (أخوه هذا فى الواقع بيعمل طبيب وهو زوج السيده التى كنت أتحدث عنها )وأنتهى على ذلك.
فى الواقع نفكر فى بيع الشقه بسبب ضائقه ماليه

لماذا لم يتم تفسيره؟ ياريت اذا كان فيه تحذير من شئ يا ريت أعرفه لانى كنت بشوف قبل كده تحذيرات بخسارة رأس المال وأننا هنخرج من المشروع خسرانين كل شئ

أختي الفاضلة الكريمة
وعليكم السلام ورحمة الله وبركاته
يدل مجمل الحلم على أنكم تمرون بمشكلة وأنك تتمنين مسكنا أفضل
وأن هناك من النساء من يتتبع أخباركم ويريد معرفة خصوصياتكم
كان الله تعالى في عونكم وفرج همكم وبلغكم كل ماتتمنونه من خير الدنيا والآخرة
والله تعالى أعلى وأعلم