|
#1
04 Mar 2014, 07:34 PM
|
|||||||||
|
|||||||||
|
الغابة ..
أرجو تفسير رؤياي جزاك الله خير .. رأيت كأني أنا واهلي ذاهبين للتنزه هذه الأيام في فصل الربيع لاحدى الروضات ولكن عندما وصلنا كأن المكان غااابة كبيره ونحن في السياره جمس كنت اجلس في المرتية الأخيره وكانت اختي تجلس في المرتبه الثانيه ومعها ابنها يبكي بشده كأن عمره 6شهور او اقل (في الواقع عمره سنتين واربع شهور ) وقلت لها اعطيني اياه عندما اخذته بدأ يضحك بشدددده وهويطالعني وفي فمه اللهايه ع وشك تسقط كنت مستغربه شكله وضحكه وتصرفاته كأنه طفل كبير نفس تصرفاته بعمره الحقيقي !! وحتى اهلي يضحكون ع شكله وهو يضحك يقولون شكله عررفك .. بعدها كأننا نزلنا من السياره الا اشوف شاحنة ثلاجه هذي اللي تنقل البضائع الباردة للبقالات والتموينات بس ما اشوف الشاحنه نفسها بس اشوف ثلاجتها حتى مو نفس الثلاجه اللي متعارف عليها كأنها صندوق كبير بس اصغر من حجم الثلاجة اللي في الشاحنات بكثير المهم كأن هالثلاجه مفتوحه من جهتين أنا واقفه عند جهه وامي واقفه عند الجهة الثانيه المقابله وبينا يعني في الثلاجه فيه صواني تقديم حلوه مصفوفه جنب بعض وع الجنب في كم وحده على بعض و داخل هالصواني انواع الخضاااروالطبيعه !! صينيه فيها طين وفوقه ثيل او عشب اخضر وصينيه فيه نفس الشي طين وعليه اوراق شجر صغار وصينيه فيها ثيل وعشب وع الجنب نخلات صغيره ....الخ كلها كذا نفس الشي وهالنباتات طبيعية بس مصغره و اشكال مختلفه كل صينيه غير عن الثانيه كأنها عينات حقيقيه لمزارع بس مصغررره !!! انا لما شفتها استغرررربت وش هذي ووش سالفتها شكلها حلووو بس غريب وش الهدف منه ! قلت لامي كانت عند الفتحه المقابله قلت لها وانا اضحك وش سالفتها والا ع اساسها تختارون نوع وطبيعه المكان اللي تبون تتنزهون فيه ؟ وذهبت وانا افكر في سالفة هالصواني الاجت اختي وقالت ماشفتي ولدي وينه كان معك ؟ انا خفت لانه كان معي بالسياره بس يوم نزلنا كان حولنا ولاادري خفت وحسيت انا المسؤوله قلت لها ان شاء الله بنلقاه لاتخافين ( في هاللحظه كأن ولدها رجع نفس عمره الطبيعي ونفس تصرفاته حاليا ) قلت في نفسي يوم شفت ولدي يلعب مع اطفال جوا عندنا هم واهلهم يتنزهون بعد كنت مستغربه انهم مره قريبين منا ضاقت الاماكن ؟ المهم قلت في نفسي يوم شفت ولدي أشوا ان ولدي مايحب يبعد عني ولايروح بعيد عنا بعكس ولد اختي يحب يروح ويستكشف ... واقولها ماعليك ان شاء الله بنلقاه واحنا رايحين ندوره الا اشوف هالاطفال اللي كان ولدي يلعب معهم رايحين لحوض او صندوق ددسن او هايلكس كأنه لنا مليان اكياس شبسات وفشار وفشافيش للاطفال (في الواقع ماعندنا مثل هالسياره ) المهم ركبوا هالاطفال في حوض السياره واخذوا شبسات وقاموا يحوسون الباقين وينثرونها جاهم اخوي الكبير يركض وهاوشهم وطردهم .. كملت طريقي علشان ادور مع اختي ولدها وكان ولدي وراي واحنا ندور شفنا ولد سالناه الظاهر عن ولد اختي قال ايه شفته مع حرمه لاقيته ضايع وقالت بتوديه للامن حق الغابه علشان يلقونه اهله , ارتحت قلت زين الحمد لله واقول لاختي اشوا اجل ان شاء الله اكيد بتلقينه هناك .. الا فجأة وأنا امشي كأني امشي ع خشب وكأن تحت هالخشب مباشره يعني مافيه مسافه يابحر او نهر المهم انه شي خطر ولا ادري وشو .. بس كنت امشي بتأني ع الخشب وكان هالممر مسقوف الظاهر بسعف النخل او شي كذا وكانت معي بنت بنت خالتي (ن عمرها تقريبا 27 متزوجه من فتره وكانت حامل بس سقط الجنين قبل فتره )كانت معي مع اني منقطعه عنها من زمان وولد ع ما اعتقد انه ولد خالتها يعني ولد بنت خالتي الثانيه وتقريبا في عمرنا يمكن عمره بعد 27. المهم واحنا نمشي الا فجأة شفت محل ع اليسار ننزله بدرجتين استغربت وش جاب هالمحل هنا ووشلون ما تأثر بهالشي اللي تحت الخشب واللي الظاهر انه بحر ! وكان شكل المحل مثل الكوفي اللي مزين ع ستايل ريفي في الإضاءة والديكور وكان ع يمين هالممر اللي نمشي عليه مباشره لاصق فيه جبل اسود , المهم دخلت هالمحل انا وبنت بنت خالتي (ن )وكان يبيع فطاير شفتها معروضه ورا الزجاج وكنت مشتهيه شي حالي فيه حلا اشتهيت فطيره تفاح بالزبده قلت مرره اشتهيتها بعد احسن مع الزبده خلها تزيد وزني وانا اضحك واللي يبيع قال بالعكس احنا مانحبها كانه يقصد علشانها دسمه وتزيد الوزن واسال بنت خالتي ماردت كانها ماتبي كانت ساكته ماكانها معي قلت عطني وحده وقال ب 40 ريال قلت عطني وكأن بنت خالتي موعاجبها حاسه انها غاليه ومالها داعي وهو بيحطها في الكرتونه (العلبه )كانها صارت شرائح بان كيك ! قال لازم تاخذين الخلاط علشان الشوكلاته اللي فوقها قلت وين مشوار اشتري الخلاط ووش اسوي فيه خلاص مو لازم شوكلاته بعدين قلت اخاف عاد ماتصير حاليه بدون شوكلاته وانا مشتهيه حالي قالت بنت خالتي لا لا فيها حلا بس يالله خلصي قلت خلاص عطني اياها . الا وهو يحطها بالصحن صار يلفها ويبرمها كانه يخبزها الا صارت كأنها ع شكل وردة كبيره ! بعد ماحطها في العلبه صارت تشبه صينية البسبوسه الكبيره ونفس تقطيعها مثلثات بس مو بسبوسه قلت في نفسي اها صارت كبيره علشان كذا ب 40 طلعت من المحل انا وبنت خالتي واحنا نمشي قلت اباكل منها ما اقدر اقاومها مشتهيه مره شي حلووو وفتحت العلبه واحنا نمشي الا اشوف صارت كأنها حبات فواكه صغيره جمييييله ملونه ماقد شفت مثلها الوانها احمر واصفر وازرق واخضر الوان كثيره وكأن كل حبه مقسومه نصفين ومثبته مع بعضها بعود صاير اشكالها غريبه كانها فراشات تفآجأت بشكلها واوري بنت بنت خالتي (ن ) وهي ساكته وبسرعه اخذت وحده واكلتها وكاااااانت لذييييذه جدددددا وفيها مثل الكريمه قلت شوفي بعد فيها كريمه خوذي وخذت نصف وحده واكلتها وقالت ايه حلوه ومشينا رحنا لخالة هالبنت ,بنت خالتي الكبيره (ع) (عمرها تقريبا 35 سنه متزوجه عندها ولدين )كانت اقرب وحده لي من بنات خالاتي مع ان فرق العمر بيني وبينها كبير بس حاليا خربت العلاقه انصدمت فيهم بزواجي فشلوني بدون سبب فانقطعت عنهم ومن زمان ماشفنا بعض المهم رحنا لها كانت جالسه ع طاوله كانها في مطعم وسلمت عليها وكانت جالسه معها صديقتها رحت اسلم على صديقتها وكأن صديقتها ماودها تسلم قلت ف نفسي خلني احسن منها وسلمت وعرفتها بنت خالتي (ع )علي وعرفتني عليها .. بعدها حطيت علبه الفواكه وخليتها مفتوحه عند بنت خالتي الكبيره(ع) وكأني اكلت نصف العلبه تقريبا وقلت لها كولي منها لذيده وانا باروح اشوف ولدي واغيرله وكذا قالت يالله انتي دايم كذا تصرفين ما تبين تجلسين معي مثل هذيك المره كل شوي تقومين تسوين لك شغله علشان ما تجلسين معي .. قلت لا والله باروح اغير ولدي واضبطه وبارجع لك ورحت وانا رايحه اقول يووه تركت علبه الفواكه مفتوحه عسي مايجيها شي بس اكيد هي بتسكرها سوا اكلت منها او ما اكلت .. مطلقه من 8 شهور واكثر عمري 25 سنه عندي ولد عمره سنتين وخمس شهور متخرجه وعاطله والله يعطينا خير هالرؤيا وخير مافيها والله يكفينا شرها وشر مافيها والله يوفقك ويسعدك ويجزاك كل خير ..
|
|
17 Mar 2014, 02:14 PM
|
#2 | |
|
الحسني
 
|
رد: الغابة ..
أختي الفاضلة الكريمة
يدل مجمل الحلم على عدة أمور : منها محبة أختك الشديدة لإبنها وخوفها الدائم عليه ومنها بعدك عن الناس ومنها تفكير ابنة خالتك في التواصل معكم والله تعالى إعلى وأعلم |
|
|
 |
| مواقع النشر (المفضلة) |
|
|
العرض العادي
