تفسير السودانيين في المنام

السلام عليكم

حلمت اني مع اختي في السياره طالعين من الجامعه وكان الوقت ليل ... وكان سواقنا هندي اسمه (حميد) وكان يسوق بسرعه ويترنح بسواقته وشكله كان مو مطمنا ابدا ... وكنا نصرخ عليه نقوله اشفيك تسوق جذيه ....شوي شوي ... وكنا فعلا خايفين حتى اني حسيت انه مريض ومسخن ... المهم وهو يسوق فجاءه قال بنزلكم هنا ... يعني في نص الطريق .. فاستغربنا منه .... وقف سيارته وقال لنا انزلووووا ... فنزلنا وراح عنا وتمينا في الشارع ... وكنا خايفين الدنيا ليل والمكان فاضي وكنا خايفين يطلع لنا كلب ... فلقينا باب بيت كبير مفتوح فدخلنا فيه من الباب الخلفي علشان نحتمي لااكثر ... لكن هالبيت حسيت في ناس من النور والباب اللي شوي مفتوح ... يعني للحين اهل البيت قاعدين ... المهم كنا في الجهه الخلفيه من البيت ... قمنا نبي نتجه للجهه الاماميه من البيت واحنا ماشين طاحت شيلتي فكملنا مشي ... اختي قدرت تسبقني .. لكن انا صادني صاحب البيت ... وقالي من انتيي ؟؟ وكانو اهل البيت سودانيين ... المهم رجال البيت قالي انتي منو ؟ قلت له لاتفهمني غلط وكنت احاول ارفع جاكيتي علشان اغطي شعري ... وكنت اشرح له شنو اللي صار لنا وكان يستمع لي لما قلت له ان سواقنا قطنا في الشارع وان احنا نبي نحتمي في البيت لااكثر .... واختي الثانيه متخبيه في الجهه الثانيه من البيت ... المهم وخلال كلامي معاه ... زوجته طلعت وشافتني وانا من غير شيله واتكلم مع زوجهها داخل بيتها ... فقامت تهمهم بكلام بمعنى انها بتراويني الويل .... وانا كنت احاول اشرح لها وضعي لكن مارضت تسمعني ونادت اختها ومسكوني الثنتين .... وقالت لاختها تجيب شي علشان ياذوني .... المهم اختها جابت سائل انا فكرته ميه نار ... رشته في وجهي ... لكن ماحصل اللي انا تخيلته .... لكن فكرت انهم بيحرقوني ... بس كل اللي رشوني فيه ادويه تقريبا غطت جسمي ووجهي ... وهم ماسكيني اختي جرت واتفت الباب وانا دفعتهم واخذت شيلتي ولقينا ابوي برا البيت بسيارته الخضرا ... توه كان يركن السياره .... ماخليناه من الخوف فتحنا الباب وركبنا وسكرنا السياره وماصدقنا لقينا ابوي ورحنا معاه ....

انتهى ...

للعلم احنا مو بعض في الجامعه ... لاني خلصت وتوظفت
وسواقنا حميد كان سواقنا ايام الجامعه وصار لنا سنه ماتعاملنا معاه ...ولانعرف وينه ...