حلمي

بسم الله الرحمن الرحيم

حلمت اني كنت فالكليه و رحت انا و ربيعتي نشتري اكل من مكان نفس شيشة البترول ( موجود عندنا فالكليه ) و اول ما دخلنا كان المكاان ززززحمه بزياااده و رحنا صوب العصاير و انا شليت لي عصير و بعدين وقفنا انا و هي ما قدرنا نتحرك عشان كان زحمه و احنا واقفات كان وراي واحد بكستاني و كان لابس لبس بكستاني و لونه بيج بس ماذكر شكله كيف و مسكني و حاول يتحرش فيني و انا بدييت اصارخ و اصييح ابا حد يساعدني هالوقت ماذكر ربيعتي وين راحت و انا كنت اصيييح و الناس كلها تشوفني بس محد معبرني و يمشوا و لا كأنه في شي و كل واحد يكمل دربه و كان في واحد انا اعرفه اسمه عبدالله ,, ( هذا عبدالله انا عرفته من الكليه و اكتشفت انه يسكن ف نفس فريجنا بس مابينا اي علاقة ولا حتى ندرس مع بعضا اللهم فالكلاس الي جنبنا و لا كلام و لا شي بس اني اشوفه و يشوفني ) و بعدين اانا شفته و كنت اصيييح و اصااارخ كاني اقوله ساعدني بس شافني و صد راح يدفع الحساب كان فايده دبة ماي و كان بيطلع بس انا صارخت بزياده و صحت بشكل هستيري و هو لف و رجع يمشي صوبي و انا هالوقت كنت اصيح و يالسه ع الأرض و ابكي و البكستاني اختفى مادري وين ف هو يا و سحبني من ايدي و طلعني من هالمكان و اول ما طلعنا من عند الباب انا جلست عند البااب و ابكي كثييير ف هو قال لي ما عليج بنلحقه و بنمسكه و انا تميت اصيح و بعدين رفعت راسي و كلي دموع اقول له بس ما ابغي اهلي يعرفوا بشي قال لي ما عليج ما بنخبرهم بشي و هو اتصل بأهله معني ما اعرفهم و بعد شويه كنا فالسيااره و رايحين للمقبره ( مادري ليش للمقبره ) الي اذكره امه كانت لابسه عباة راس و مغطاية من فوق لتحت ما شفت منها شي و كانت شويه قصييره و مليانه شوي بس و وصلنا للمقبره و دخلنا نمشي و انا معاهم و وقفنا عند قبر بس كان مغطى بالرمل بس وقفنا و بعدين ردينا و احنا رادين طلع بجنب القبر ( بعد كمن قبر ) طلع واحد اامم شكله يبين انه هندي بس يتكلم عربي طلع من القبر و كان جالس داخله و ابتسم و قال لي ما بتحصلوني و ملامحه كانت اممم حنطي و حواجه سوده و عريضه و متلاصقه و شعري اسود مب ناعم و وصل لعند اذنيه شعره شويه كشه متعرج و عيونه كبار .. و بس هذا هو الحلم