أمي حبيبتي حالتها ماتسر ..

المشاركة الأصلية كتبت بواسطة طالبه رضى ربي

السلام عليكم ورحمة الله وبركاته ..

أما بعد أشكر القائمين على هالموقع النافع وربي يجزاكم عنا كل خير...

أود ان اعرض حالة امي والتي مرضت من 15 سنة تقريبا (من وانا صغيرة وهي بهذي الحاله :( )

في البداية منذو حوالي 15 سنة او اكثر كانت امي بصحة وعافية وتهتم بنا وتدرك مايدور حولها من احداث وتحب الخروج للناس والكل يحبها فهي طيبة جدا ( مالها حس )
نقلنا الى منزل مجاور لمنزل حرمة ابوي الثانية ومن هنا بدأت المشاكل ..
كانت تاتينا فجأة تفتح الباب وتهاوش بابوي ليش جالس مع امي وتكب القهوة وتمشي
غيرتها شديدة جدا جداااااااا وفيها حسد استغفر الله مدري كيف اوصفة .. امام الناس وامامنا تلبس ثوب الطيبة والحنية << ماعلينا الله يسامحها ..

المهم انه امي مرضت مرض شديد وتغيرت حالتها على ابي كثيرا صارت لاتطيقة ولاتطيق الجلوس بالمنزل تفضل تجلس بالشارع او بمكان مهجور ولاتجلس ببيتنا ..
امي طيبة جدا وليست قوية ولكن سبحان الله من تغيرت طلعت فيها قوووة يمكن اقوى من الرجل نفسة وتتهاوش مع ابوي وتضربه ..الكل يقول بان حرمة ابوي هي السبب وسوت لها سحر لان امها لها بهالمجال قبل .. راحوا يكلموها لكن انكرت ..
حاول ابوي يعالجها وودها لطبيب نفسي ولراقي تبين فيما بعد انه ساحر وليس راقي .. لم تشفى امي وانما حالتها مثل ماهي ..
توفي ابي بعد سنة او سنتين (لا أتذكر) لكن قبل مايتوفى كان مريض وتعالج بالحرمل واشياء ماعرفها اللي اذكرة انه كان ببيتنا لحالة مافية غير مرت ابوي تعالجة وتدخل عندة واحنا اخذنا لبيت جدي (ابو امي ) لايسكنة احد لعل امي تهدا لكن الحال كماهي ..ضرب وثوران اذا راتة حتى انها تخرج خارج المنزل حتى تضربه ..

توفي والدي ونحن صغار لانعلم مالذي يحدث ومالذي غير امي هكذا << كأن ليس لدينا أم
امي لاتحب جدي (ابوها ) واخواتها واهل الحارة كلهم تهاوش عليهم وتصرخ صراخ مزعج واذكر انها كسرت الاضاءات والتلفزيون تكره كررره شديد

ذهبوا بها (خالتي ومرت خالي ) لشيخ يرقى لكن لافائده تذكر ..
خالتي مره قالت انه امي لمن كانت صغيرة وقبل تتزوج صار لها مس بالبر ولكن ودوها لشيخ وشفت ولله الحمد

سأقول لكم حالتها الأن وماذا تفعل :
صراخ وتغني وتصفق ولاتركز في كلامنا تسمعنا بعد ووقت عند مناداتها ..
تضحك وتبكي بنفس الوقت ..
تكره جدي وحرمته وخوالي وتهاوش عليهم وغالبا خالتي يوم تشوفها تثور وتطردها من المنزل واذا مسكتها ماتفكها الا بطلوع الروح تكره ندافع عنهم او نتكلم فيهم ..
لاتستحمل الصلاة وتوسوس كثير وتهرج بالصلاة ولاتدرك ماتقول ..صلاتها سريعة
واغلب الوقت لاتصلي واذا صليت جماعة تقول لاا وماتتحمل تصلي معي
تقول كلام مخجل وتتعرى امامنا بعض المرات ..
لاتنام جيدا الا بحبوب نفسية وتنام طويلاً بها ..
تخاف من الاجتماعات والاماكن المرتفعة والعقارب والافاعي (خوافة جداً )..
عندما تصرخ ولاتنام حتى في الليل يظهر عليها التعب وتلمع عيونها وماتجلس ابد .. رايحة جاية رايحة جاية وهكذا تعور القلب ماترتاح الا لمن نعطيها حبوب نفسية لكن تهديها شوي وبعدين ماتفيد ..
ذهبنا بها الى راقي وقراء عليها لكن لم تتأثر .. شغلنا سورة البقرة لم تتاثر سوى انها صارت عصبية زيادة وتضربنا اذا هديناها ..
عطينها كسرة بنية حست بأسهال (وانتوا بكرامة ) ولم تنفع ابد ..
جارنا مره جاب ساحر لبيتة وقال له انه فية حرمة فيها جنيين (2 جني ) ويقصد أمي ..
لم نصدق الساحر وبدينا نعطيها عسل مقري فية ولكن امي لاتدوام عليه ..
حطينا زيت زيتون بالاكل وبدون ماتدري وشربناها موية مقري فيها تحس بألم في بطنها وتتجنب تشرب من الماء ..
اذا جات حرمة ابوي زيارة تودها وماتهاوش عليها ولاتوسوس بل ترمق لها بنظرات اعجاب وابتسامات
تتصرف تصرفات غريبة وتقلدنا بناتها وتقلد اخواني في التدخين
عندها غازات وانتو بكرامة ورائحتها قوية ولاتحب تستحم الا بعد ترجي او بعض المرات تروح من نفسها


اتمنى مساعدتي وشرح مالذي يحدث مع امي فأنا قلقلة عليها جداً ..

وعليكم السلام ورحمة الله وبركاته
يبدوا والله أعلم أن هذا سحر جنون.
مبدئيا تحصين البيت ينفعها بسورة البقرة بصفة دورية كل ثلاثة أيام وأيضا
نظرية تحصين البيوت من شياطين الجن
وعليكم برقيتها بالبقرة ويس والمعوذتان مع النفث على الجسد والإهتمام بالبيت ومحيطه.
وعليكم
المُدمّرة .. للأسحار المُعمّرة ! بإذن الله
وإلا عليكم براق يباشر حالتها
وأسأل الله أن يتغمدها برحمته