حلمي بوالدتي المتوفيه... ارجوا التفسير بارك الله فيك

السلام عليكم ورحمة الله

الشيخ ابو الحسن يعطيك العافيه بس بغيتك تفسر لي حلمي

بالوالده كانها زارتنا في البيت وكاني اسألها يمه اشلونج انتي

في القبر مرتاحه والا لاء واحنا وايد مشتاقين لج وكانت الوالده

ولا كانها مريضه الا قامت تأشر وتقول ترى هناك درجات وهي

تبتسم وتاشر بيدها وتقول انا فوق والحمدلله مرتاحه وقلت لها

شنو إلي اكثر شي تعذبتي فيه ردت علي الوالده سكرات الموت

ومره وحده صار وجهها يوم في الحقيقه توفت وكانت في سكرات

وكانها تغدت وبيوصلها ابوي وبيرجع وكان ابوي يصيح على امي وانا

اواسيه ومره وحده قمت من النوم علما ياشيخ كل ما اتصدق لأمي

اشوفها اتجيني في الحلم واضمها ودموعي تنزل وفيني حسره والم

وهي تضمني مبتسمه للأسف ويوم اصحى بعدها انصدم ان امي

صغيره بالسن وتوفت ولا عاد باشوفها ..وعلى فكره الوالده قبل لا

تتوفى تشهدت وكانت في السكرات ماتتكلم زين بس كانت تشوف

يمين ويسار وكان بحه في صوتها وهي تقول الله.. محمد رسول الله

كأنها تكلم احد في يمينها ويسارها وحتى دخلت الغيبوبه وصبعها

مرفوع .. وجزاك الله خير