البراويز ..

السلام عليكم ورحمة الله وبركاته ..
أسال الله أن تكونوا في صحة وعافيه دائمة ..

أرجو تفسير رؤياي الله يسعد ويجزاك كل خيييير..
رأيت كأني كنت ذاهبة لمنزل الجيران وكانت امي قد سبقتني هناك ،
عندما دخلت الكل لفته حضوري وطالعني وانا كنت امشي مبتسمه بكل ثقه كان شكلي جميل شعري لونه احمر غجررري الى كتفي وومموج(هو في الواقع ليس كذلك !)
وارتدي بلوزه صفرا وتنوره طويله شيفون مشجره اسود واصفر ورمادي فيها فتحتين من الامام ومن الخلف كذلك وتحتها بنطلون اسود،
دخلت وسلمت على باقي الجيران وكانت امي كانت فرحه فيني ،
ذهبت مع بنت الجيران وكانت تمدحني ودار بيني وبينها حوار هي واختها ولكن لم استطيع تذكره الان ...

بعدا رأيت كأني اتيت من عند الجيران ودخلت غرفتي ووجدت اختي (30 سنه - متزوجه من ولد عم طليقي - عندها ولدين - ربة منزل )
تبحث في دولاب ملابسي المعلقه قلت ماذا تفعلين !!
قال ابحث عن تنوره صفراء ماعندك ؟قلت لا ماعندي ، الا فجأه وجدت تنوره صفراء قالت وهذي وشي وتقولين ماعندي !
قلت ايه بس هذي قصيره من قداااام طلعتها من علاقتها وشافتها وقالت ايه والله انا ما ابغى كذا ورجعتها للدولاب ..
قلت لها فيه ملابس مطبقتها ومرتبتها تحت الملابس المعلقه لحظه ادور لك فيها
(في الواقع انا أحط في هذا المكان بجايم النوم مو ملابس طلعات، بس في الرؤيا كاني ابحث لها ملابس طلعات !)
المهم مالقيت هالملابس قلت وينها انا واضعتها هنا ، وين اختفت مالقيت شي !

التفت على اختي وأنا أتكلم الا شفت معها برواز ،
(هذا البرواز كان مقدمه لي طليقي في يوم الملكه مع الشبكه هو برواز زجاجي وفيه تجويف بسيط في الوسط علشان تدخل فيه الصوره كان حاط صورته على جنب ومكتوب فيه قصيدة اهداء لي )
المهم يوم شفته مع اختي نفس شكله في الواقع ابغى استوعب وش جابه معها الا كسرته من الوسط !،
وقفت اطالع الا اشوف داخل البرواز كانه كان محشو حصى صغير الحجم ثلاث ارباعه يشبه لونه وشكله (علكة اللبان ) شفاف على صفار
والربع الباقي جهة اليسار نفس الشكل بس لونه اسود !!
(مع انه في الواقع زجاجي يعني تشوف وش داخله بدون ماينكسر !!!)

شوي الا فجأه اشوف داخل دولابي تحت الملابس المعلقه مكان الملابس المفقودة اللي كنت ابحث عنها
صندوووق كبييير وجميييل لونه بني (نفس الصندوق اللي موجود في شقه اختي واضعة فيه سجادات الصلاة )..
بس في الرؤيا كأن في هالصندوق ملابسي الضايعه حتى مافتحته بس توقعي كان كذا ،
قلت من وين طلعت الملابس وشلون طلع هالصندوق من تحت الأرض !
كنت جدا جدا جدا مصدووووووووووووووووووووووووووومه من البروازواللي فيه والصندوق والملابس!! ..
قالت اختي طيب وش هذا اللي في البرواز؟ شكينا انه سحرررر وبسبب كسرها له طلعت الملابس !..
قامت اختى تقرا وتنفث في هالبرواز وانا لازلت مصدومه واتخيل اني احلم ،،

فجأه صحيت من النوم كأني فعلا كنت احلم في الحلم !! وقلت ايه حلم زاد وش هالاحداث !!
ورحت ادور البرواز ابي اتأكد وش سالفته قلت لا يكون هالحلم تنبيه لي او شي وبالمره اخلي امي تشوف معي وش سالفته ...
لقيت البرواز بس كان مختلف مو نفس البرواز اللي عطاني إياه صايركأنه البرواز اللي اشتغلت عليه أيام الجامعه نوع خفيف من الخشب (لحاء )
(رسمت عليه زخارف بالنسكافيه ورشيت عليه اورنيش ولاحطيت فيه أي صوره ماكنت احب احط صور )
اخذته ابي اتاكد هو فيه سحر طبعا متخيله انه كأنه البرواز اللي عطاني اياه طليقي !!..
لما حاولت اكسره ما انكسر بس انفصل صار الظهر اللي فيه الاستاند في يد والإطار الوجه في اليد الثانيه ومافي داخله أي شي او حصى
بس كان فيه اثر الصمغ قلت مافيه شي بس خربته .. اشوا انه بس ما يبغاله الا تصميغ ويضبط ..
(هو في الواقع منفك نفس الشي بس من جهه على زاويه مو نفس الرؤيا انفصل نهائيا )

شوي فكرت لا يكون لو فيه عمل او سحر مو في هذا البرواز ..يمكن في البرواز اللي أعطتني إياه اختي وزوجها هدية زواجي
(كان برواز بلاستيك مفرغ على شكل مربعات وفيه في الوسط فلينه ملبسه بورق عسلي وكاتبه عليه اختي مباركه وعلى طرف هالفلينه يعني بين الفلينه وطرف البرواز البلاستيك
فيه مثل الشريطه برضوه من الفلين الخفيف مبروومه ومدخله في هالايطار او البرواز البلاستيك المفرغ ...
و مثبته في هالشريطه الفلوس موزعه على حدود البرواز )..
المهم قلت مابقى الا هو يبغالي اروح اتأكد منه علشان اقطع الشك باليقين ولا اقعد اوسوس وأقول هل الرؤيا تنبيه او شي واشغل نفسي ...
وانتهت الرؤيـــــــــــــــــــــــــــــــــــــا ........
(ملاحظه توني اكتشفها ان هالبراويز الثلاثه نفس الحجم والمقاس بس اللي اعطاني إياه طليقي كان محدب مقوس للداخل )

25 سنه - مطلقه من سنه و10 شهور تقريبا
عندي ولد عمر 3 سنوات ونصف ..
موظفه في قطاع خاص ..

الله يعطني خير هالرؤيا وخير مافيها والله يكفيني شرها وشر مافيها
أعتذر على الاطاله ..

الله يجزاك خيرر ويسعدكك ويسخر لك ..

وعليكم السلام ورحمة الله وبركاته
أختي الفاضلة الكريمة يدل مجمل الحلم على عدة أسحار للتفريق بينك وبين زوجك في البراويز والصندوق والملابس المفقودة .
والله تعالى أعلى وأعلم
نشكر لكم دعائكم لنا ولكم مثله

طيب الله يسعدك ياشيخ
البرواز اللي أعطاني اياه مو عندي، ونفس الشي الملابس المفقودة مااذكر اصلا شكلها في الرؤيا..
وباقي الأشياء بحثت فيها ومالقيت شي..

ايش تنصحني الله يجزاك خير اسوي؟

أنصحك بأذكار الصباح والمساء وبتحصين نفسك جيدا فلن يضرك شيء بإذن الله تعالى
والتحصين اليومي بهذا الحرز والحصن المكين
روى الإمام مسلم : عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ مَنْ قَالَ لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ فِي يَوْمٍ مِائَةَ مَرَّةٍ كَانَتْ لَهُ عَدْلَ عَشْرِ رِقَابٍ وَكُتِبَتْ لَهُ مِائَةُ حَسَنَةٍ وَمُحِيَتْ عَنْهُ مِائَةُ سَيِّئَةٍ وَكَانَتْ لَهُ حِرْزًا مِنْ الشَّيْطَانِ يَوْمَهُ ذَلِكَ حَتَّى يُمْسِيَ وَلَمْ يَأْتِ أَحَدٌ أَفْضَلَ مِمَّا جَاءَ بِهِ إِلَّا أَحَدٌ عَمِلَ أَكْثَرَ مِنْ ذَلِكَ وَمَنْ قَالَ سُبْحَانَ اللَّهِ وَبِحَمْدِهِ فِي يَوْمٍ مِائَةَ مَرَّةٍ حُطَّتْ خَطَايَاهُ وَلَوْ كَانَتْ مِثْلَ زَبَدِ الْبَحْرِ .
--------------------------------------
قال ابن القيم رحمه الله تعالى :
حاجة العبد للمعوذتين أشد من حاجته للطعام والشراب واللباس
داوم على أذكارك لتدرك معنى إحفظ الله تعالى يحفظك
--------------------------------------
قال ابن القيم رحمه اللہ
أذكار الصباح والمساء بمثابة الدرع كلما زادت سماكته لم يتأثر صاحبه ، بل تصل قوة الدرع أن يعيد السهم فيصيب من أطلقه .
------------------------------
والله تعالى أعلى وأعلم