إنت سلفي و مش داري

إنت سلفي لكن مش داري ؟ بقلم : الشيخ هاني حلمي



كل ما أفتح جورنال ألاقي كلمة سلفي وسلفية ،وبصراحة مش فاهم حاجة ، ناس تقولك دول اللي مش بيحبوا الأولياء وعايزين يهدموا الأضرحة ، وناس تقولك دول اللي حيحرموا علينا عيشتنا كل حاجة عندهم حرام ، وناس تقولك دول اللي حيودونا في داهية واللي مش بيسمع كلامهم بيعاملوه بالسلاح على طول ، وناس تقولك دول اللي حيعملوا الفتنة الطائفية في البلد ، وحاسبين إن البلد بلدهم لوحدهم وعايزين يخرجونا منها ، وبيسموا ده الإسلام!!!



تعرف إن كل ده – والله – افتراء وكذب ، لأنهم بيتهموك إنت ، وإنت مش داري ، لإنك حتكتشف إنك ( سلفي ) لإن السلفية مش جماعة ولا طريقة بل منهج لكل مسلم.



السلفية ببساطة إننا نفهم دينا زي ما الصحابة ومن تبعهم بإحسان فهموه ، لأنه لازم تبقى لينا مرجعية وقواعد واصول علشان نفهم معاني القرآن والسنة ، طيب مين اللي نطمن لفهمه للدين ، مش الصحابة اللي ربنا رضي عنهم ورضوا عنه ، مش الصحابة اللي كانوا عايشين زمان الوحي واتربوا على إيد النبي صلى الله عليه وسلم ، ومن خلال طريقتهم نعرف فكل مسلم يمشي على منهاج النبي صلى الله عليه وسلم والصحابة في حياته كلها يبقى ( سلفي) .



طيب حتقول : يا عم طب ليه الاسم ده ،هو في حد مش ماشي على منهج النبي والصحابة ؟؟



آه ، ودول اللي النبي صلى الله عليه وسلم أشار ليهم ؛ فقال :”افترقت اليهود علي إحدى وسبعين فرقة ، وافترقت النصارى علي اثنتين وسبعين فرقة ، وستفترق أمتي علي ثلاث وسبعين فرقة كلها في النار إلا واحدة .

قالوا -أي الصحابة – ما هي يا رسول الله ؟ قال : “هي ما أنا عليه وأصحابي ” .

وفي رواية ؛ قال :”الجماعة ” [ أخرجه الترمذي والحاكم وغيرهما بإسناد صحيح ]

علشان كده بقى لازم تفرق بين المسلم اللي ماشي على خطا الرسول صلى الله عليه وسلم والصحابة ومن تبعهم بإحسان ، وبين اللي غيروا في المنهج ده ، ونعرف الكلام ده بإننا نشوف مين اللي بيطبق حياة النبي ومنهجه ونمشي معاه ، علشان النبي صلى الله عليه وسلم ما يتبرأش مننا يوم القيامة ويقول : سحقًا سحقًا لمن بدل بعدي وغير ”.

طب والكلام اللي بنسمعه في الإعلام عن السلفيين ده إيه ؟

لو فهمنا يعني إيه ( سلفي) يبقى ده مش سلفي لأن ده مش منهج النبي ولا الصحابة ، النبي علمنا حسن الخلق ، وحسن السلوك ، مع المسلم وغير المسلم ، علمنا الحكمة لما ننصح حد ، كان بالمؤمنين رؤوف رحيم ، يبقى أي تصرف من أي حد بيوزن على الميزان ده .

بقى المسلم السفي اللي ماشي على نهج الحبيب صلى الله عليه وسلم بيسعى لمرضاة الله ، بياخد بإيد الناس لطريق الجنة ، بتحل بيه البركة في كل مكان لأنه بيسعى لصلاح البلاد والعباد.

السلفي هو اللي يبقى قدوة بأخلاقه وسلوكه وعلمه وسمته ومظهره ، اللي يعيش واقعه ويحب الناس ولا يتعصب لغير النبي محمد صلى الله عليه وسلم ، ويحب الصحابة وآل البيت ، ويحترم أئمة الإسلام لاسيما الأئمة الأربعة ويقدرهم من غير تعصب .



شفت إن إنت سلفي ومش داري ، يبقى انت لازم تحامي عن ( الإسلام الصحيح ) بعيد عن الناس اللي بدلت في الدين وغيرت سنة النبي صلى الله عليه وسلم ، وتقف قدام أي حد ممكن يحرف في الدين.

إنت مسلم على منهاج النبي صلى الله عليه وسلم وعلى طريق الصحابة ومن تبعهم بإحسان إلى يوم الدين.

تبقى إنت أكيد ( سلفي ) بس مش داري .

منقول.


المصدر: http://www.muslmah.net/t44413/

جزاكي الله كل خير ..

اصبحنا اليوم نخلط بين الارهاب والتطرف والدين الحنيف الصحيح !!

وهذا كله بسبب ظهور الجماعات التكفيريه والمتطرفه تحت اسم الدين والشريعة ولا حول ولا قوة الا بالله العلي العظيم .. حسبنا الله ونعم الوكيل , الفتنة نائمة لعن الله من ايقظها !

العلم نور والجهل ادى بنا الى عدم التفرقه بين رجل الدين المتبع لمنهج رسول الله صلى الله عليه وسلم وبين المتخفي تحت اسم الدين !

هدانا الله واياكم الى صراطه المستقيم ..

رواه الإمام أحمد في مسنده عن أبي هريرة قال: قال رسول الله صلى الله عليه وسلم: ويل للعرب من شر قد اقترب، فتنا كقطع الليل المظلم، يصبح الرجل مؤمنا ويمسي كافرا، يبيع قوم دينهم بعرض من الدنيا قليل، المتمسك يومئذ بدينه كالقابض على الجمر، أو قال على الشوك. صححه الأرناؤوط، وفي رواية الترمذي: يأتي على الناس زمان الصابر فيهم على دينه كالقابض على الجمر. وصححه الألباني.



جزاكي الله خير اختي الفاضلة

جزاك الله خير ..