زوجة اخوي .

السلام عليكم , صباح الخير


حلمت إن واحد من أولادي ( 17 عام ) وكان في الحلم عمره 7 سنين ماسك حديد المرمى وحزين أن فريق الأهلي السعودي ما فاز ، وناديته ومايرد علي ، وبين ولدي شخص يبلغ قرابة ال30 عام اسمه كاسم ابني خالد الذي في الحلم ، ولمن ناديت ولدي مره ثانيه التفت وحسب إني ناديته ، وجيت لولدي ومسكت يدو وقلت لو انت حزين عشان ما فاز الأهلي ؟ قال لي : إيوا .. واللي اسمو نفس اسم ولدي قال حتى انا .

ومشينا ومشى ورانا ودخلت بيتنا كان فله من دورين لايشبه بيتنا الحالي ، وسمي ولدي جلس برا ،وشفت زوجي مع بنتي وكأنها مو بنتي ونادى ولدي خالد وقال لو : تعال ننام في الشارع . فسألت زوجي قلت لو ليش ؟ قال لي : كل الناس تنام في الشارع اليوم ، وخلاص ناموا هم في الشارع وشفت الرجال اللي مشى ورانا جالس وخفت على أولادي لايسرقهم ، ووقفت تكسي وركبت والرجال يتبعني مشي ، وقلت في نفسي ي الله إيش يبغى هذا الرجال يتبعني ، وشفت زحمة وحفلة في الشارع ووقفت ونزلت وقربت قلت اشوف الرقص والحفل في الشارع حق مين ؟ فلقيت زوجة أخوي ترقص مصري وأمها فرحانة انها ترقص وتصفق لها واللي حولينها كلهم حريم ما اعرفهم ولاهم موجودين في الدنيا ، وانا قلت لصاحب التكسي رجعني للمحل اللي اخذتني منو أنا خايفه أن عيالي يسرقهم ولمن نزلت كان في يدي كوب شاهي ولمن شفتو قدامي طاح الكوب وقلت يا الله اش يبغى مني هذا يتبعني من أول ؟؟ وهو رد عليا : شفتي لمن شفتيني طاح الكوب من يدك من الخوف .

زوجة أخوي عندها بنتين وولدين وعمرها 33 .
علما بأن لي أخ وحيد وهذه زوجته الوحيدة
أنتهى