قماش من محل هندي

السلام عليكم ورحمة الله وبركاته

اتمنى ان تكون في تمام الصحه والعافيه

ارجوا ان تفسر لي جزاك الله خير واسفه مقدما على هذا العدد :

1-حلمت منذ فتره ليست ببعيده انني وامي واختي التي اصغر مني عند محل هندي لبيع الاقمشة , استغربت ان صاحب المحل ما اهتم لوجودنا وهو كان جالس خارج المحل , بس دخلنا جاء ورانا وصار يرحب ويعرض علينا اقمشه هو و معه وحده تشتغل في المحل, كانت الاقمشة جميله و انواع تبرق حقت مناسبات وانواع كثيره , امي واختي اخذوا كثير من الاقمشة بس انا قلت لا مابي اكلف على ابوي بس باخذ قماش للصلاه وجرب قماشين واحد لون بنفسج والثاني برتقالي والاثنين كانوا حلوين عليا فقررت اشتري لكن من حسابي عشان ما اكلف على ابوي .


انا موظفه وعزباء
اختي غير موظفه وعزباء
امي على قيد الحياه الله يحفظها


2-كانني بروح لحفله انا وحده من صديقاتي مو عارفه من هي وانا كنت جاهزه وانتضرها نشتري فستان عند بياع لكن البياع ما لقى فستان لها لان كل الفساتين اللي عنده السير اللي فيها منقوش عليه اسمي انا , وانا متوتره واقول ان شاء الله يحصل شي باسمها .

3- حلمت امي اتصلت بي تقولي ابوك خرج من السجن تعالي يبي يشوفك انتي وقالت اسم واحد ماعرفت من هو , جاء الرجال وسلم على ابوي وباس راسه وراح بعدين انا دخلت على ابوي وبست راسه مرتين .
مع العلم ابوي غير مسجون .

4-البارحه حلمت اني مع وحده من صديقاتي- موعارفه من هي - رايحين لمسرح عشان نحضر مسرحيه هذي المسرحيه يمثلون بيها ممثليين كويتيين مشهورين من زمان بس كان الحضور قليل تقريبا خمسه جدا لدرجة ان الممثلين صاروا يناقشونا ويعطونا المايك نتكلم وكانت صديقتي تقشر لي فستق وانا اكل ومارضت الا تخليني اكل الى اخر الكيس وهي اللي تقشر .

أختي الفاضلة الكريمة
يدل مجمل الحلم الأول على أنك تفكرين في أمر مالي يساعد الوالد الفاضل .
ويدل مجمل الحلم الثاني على أنك أكثر شهرة وصيتا من صديقتك هذه بين صديقاتك وزميلاتك .
ويدل مجمل الحلم الثالث أن الوالد الفاضل سيساعده شخص في مشكلة بسيطة أو أمر مالي وكذلك أنت ولكن إنت ستساعدينه أكثر .
ويدل مجمل الحلم الرابع على تنبيه من الله تعالى لك بالحذر من بعض صديقات السوء .
والله تعالى أعلى وأعلم

شكرا يا شيخ جزاك الله خير

بالفعل ابي لديه مشكله ماليه وافكر في مساعدته