تفسير الصراصير والقطه

بسم الله الرحمن الرحيم
السلام عليكم ورحمةة الله وبركاته

ربي يجزاكم خير .. فسرو لي حلمي ..~
الحلم هو
اني كنت نايمه بغرفتي انا واختي وكانت غرفتنا فالحلم بالدور التحتي لبيتنا "علما ان غرف النوم جميعا فالدور العلوي فالحقيقه "
فتحت عيوني الا وأشوف تحت الطاوله المجاوره لسريري صراصير وحشرات بنفس حجمها واصغر واكبر وشفت عقرب وحده كبيره
وكانت تمشي ناحيتي وانا متمده على السرير ووصلت للوساده وانا ابعدها وكل ما ابعدت صرصور او حشره تجي وحده ثانيه
ورجعت بعيني لتحت الطاوله ورأيت قطه وكان لونها فاتح اضن رماديه اللون وكانت هادئه ولكن تنظر لي باستمرار

والحشرات كل مالها تجي وانا أبعدها ،، خفت وصعدت لامي وقلت لها وقالت صراصير انتي ماتنظفين الغرفه زين
قلت يايمه انتي تشوفين وانا انظف الغرفه اطلع كل شي برا من طاولات وكرآسي انا انظفها زين

نزلت امي معي للغرفه واختي نايمه بفراشها ماجتها الحشرات .. وصلت امي للطاوله ويوم حركتها انا خفت ورحت صعدت الدرج خايفه من القطه
امي بهالوقت اشوف انها سحبت الطاوله الا خرج منها كلب لونه بيج وركض وطلع من الغرفه وصعد لي ع الدرج وعضني من إيدي اليسار
وكان يعض بقوه ماسك أيدي بأسنانه وانا احرك ايدي ابيه يفكني مافكني
نزلت تحت ودخلت المجلس اللي نجلس فيه وأشوف ابوي واقوله ابعده عني وابوي يشوفني ببرود وما اثر فيه ان الكلب عضني وماسك فيني
وانا احرك ايدي بقوه مره الا شوي تركني وراح

وانا اشوف إيدي واقول لابوي الحين وش اسوي بعضه الكلب ع ايدي وكانت اثار اسنانه باينه جدا بس مافيه اي اثر لدم
هنا انتهى الحلم



وجزاكم ربي كل خير

بسم الله الرحمن الرحيم
يدل مجمل الحلم على أن رؤية الحشرات والحيوانات هي عبارة عن أرواح عيون حاسدة من ناس حولكم .
وأما عدم تحرك الوالد الفاضل إما لأنه قد يظن انها لن تأثر فيكم أو لأنه لايصدق كثيرا بتأثير الأرواح على الناس .
والله تعالى أعلى وأعلم

فعلا صدقت مايصدق بالحسد والعين
جزاك ربي كل خير ورزقك من حيث ﻻتحتسب

بسم الله الرحمن الرحيم
أختي الفاضلة الكريمة
جزاكم الله عنا كل خير لدعائكم ولكم مثله ومن أحبكم ومن تحبون