برجاء تفسير هذا المنام من فضلك يا شيخ

السلام عليكم ورحمه الله وبركاته
[لو سمحت يا شيخ انا رايت في منامي خير اللهم اجعله خير اني مع امي في مكان غريب يشبه كليه وكان فيه ناس كتير كان في ايدي حاجه اكنها جلد فراخ مطبوخه وكنت برميها فرميتها في رصيف محل فصاحب المحل كان هيتشاكل بس انا اخذته ورميته في صندوق الزباله بس كان اكنه خشب بعدين رحت لماما بعد كم خطوه مشي . فلقيت الدكتور بتاعي وانا في الكليه شافني في وسط الناس وعرفني وقالي انا فاكرك انتي كنتي عندي في الدفعه بدليل انك كنت دبلوم وبعدها جيتي الكليه وهذا صحيح فعلا فالدكتور قالي انتي مش هتكملي دراسات عليا قلتله نفسي لو سمحت قول لماما وخاليها توافق فالدكتور قال لماما ووافقت وكان بيبص ليا نظرات غريبه وقبل لما يمشي الدكتور بسني في خدي اليمين قدام ماما وقالي اني ان شاء هكمل

وقبل المنام ده بيوم شفت منام تاني
اني انا وماما كنا متخانقين وكنا بالليل اختي كانت ايضا زعلانه . انا قمت سايبه البيت ومشيت شفت اختي في الشارع كانت راجعه بس عملت نفسي مشفتهاش ورحت مشيت في شارع تاني طلعت علي السكه مش لاقيه مكان اروح فيه كانت الناس كتير اوي في الشارع فانا لقيت المسجد مفتوح فدخلته ومكنش فيه حد . بستخبي هناك في المسجد وفضلت قاعده لقيت واحده ست جت وقالت انها هقعد تعتكف في المسجد كم يوم انا فرحت ان حد هيقعد معايا شويه والمسجد امتلئ بالستات ولقيت صحابي اجم . بس الحيطه بتاعه المسجد اكنها مرايه اختي وامي كانوا بيبحثوا هني فشفوني من مرايه المسجد بس انا فضلت في المسجد .
وجزاك الله كل خير وجعله الله في ميزان حسناتك

بسم الله الرحمن الرحيم
أختي الفاضلة الكريمة
يدل مجمل الحلم الأول على أنه هناك من يفكر فيك كزوجة وقد يكون الدكتور .
ويدل مجمل الحلم الثاني على نيتك في التوبة من أمر ما .
والله تعالى أعلى وأعلم