#1
|
||||||||
|
||||||||
عزيمه في الكويت..
السلام عليكم ورحمة الله وبركاته ارجو تفسير رؤياي جزيتم الفردوس الأعلى من الجنة . رايت كأنني كنت معزومه على فطور في شهر رمضان في دولة الكويت ، كان فخم وكانت الفيلا اللي فيها العزيمه صغيره جدا بس انها أدوار كثيره اعتقد 5 أدوار وراقيه جدا ومليانه خدم ، لما دخلت كان في وجهي مصعد وجت الفلبينيه علشان اخلع حذائي الله يكرمك خلعته ووضعته على جنب وكان البيت كله موكيت والناس حفاة بدون احذيه ،وفيه حريم ورجال نفس طبع الكويتين بس الحريم كلهم تقريبا محجبات ، وكان البيت على صغره مليان غرف اشوف أبواب كثيره كل ما اتلفت القى بوجهي باب لما تعشينا جيت بأطلع طبعا الفيلا مباشره على الشارع مافيه حوش الا اشوف في الشارع المقابل عماره مثبت عليها لوحه حلويات سعد الدين ، قلت في نفسي يوووم مره مشتهيه حلا بالذات ذاك الحلا (الحلا اللي اقصده في محل حلويات ثاني بس في الحلم كأني باخذه من سعد الدين ) ، جيت ادور حذائي مالقيت الا فرده وحده (وكانت عباره عن حذاء اسود رياضي !!!!!! انا في الواقع من زمان مالبست حذاء رياضي بالذات في المناسبات !!!!) اخذتها وجلست ادور الثانيه وسألت صاحبة البيت قالت مدري اسألي الخدم ورحت سألتهم وندور انا وهم ورقينا للادوار اللي فوق بالمصعد وكانت نفس التصميم اول مايفتح المصعد القى احذيه الضيوف في وجهي بس مالقيت حذائي ، رجعت أنزل الا اشوفهم حطوا طاوله كبيره عند باب الخروج فيها حلوى بعد العشاء قلت حلو انا مشتهيه حلا ، كان اغلبها عباره عن فطائر بالتفاح بالفواكه تقريبا مافيه كيك او شوكلاتات ، وطاحت عيني على اناناس مقطع ومرتب ولمحت جنبه فطيره قلت اكيد هذي بالأناناس واخذتها وجلست اكل فيها وكانت لذيذه ، الا شوي جلست وانا اكل البس شرابي كان لونه بيج الله يكرمك وكنت اسولف مع ناس الا فجأه لقيت نفسي لابسه كل فردتين الحذاء وانا اسولف !!!! انصدمت من وين طلعت الفردة الثانيه ولبستها بس يوم ركزت لقيت الفرده الثانيه نفس حقتي بالضبط بس عليهن شعار رسمة شعله صغيره في الامام ، حقتي الشعله اللي عليها لونها اخضر وبرتقالي والفرده اللي لقيتها ولبستها لون الشعله ازرق وبرتقالي ، قلت يوووه هذي مو حقتي بس دامني مالقيت حقتي وهذي نفسها ونفس المقاس واضح ان صاحبها لخبط ولبس حقتي ولا انتبه ، خلاص راح اخليها علي اكيد صاحبها طلع ومو منتبه اجلس الى متى صعبه انتظره يمكن مايلاحظ اصلا ومايرجع بعدين رجعت اتردد وفكرت افسخها واخليها لانها مو لي مدري وش قررت بس كنت محتاره ،، ... مطلقه من 3 سنوات وعندي ولد موظفه في قطاع خاص والله يعطيني خير هالرؤيا وخير مافيها والله يصرف عني شرها وشر مافيها .. والله يوفقك ويجزاك خير ..
|
24 Jul 2016, 02:31 AM | #2 |
الحسني
|
رد: عزيمه في الكويت..
وعليكم السلام ورحمة الله وبركاته
أختي الفاضلة الكريمة يدل مجمل الحلم على أن هناك رجل متزوج يفكر في الزواج منك والله تعالى أعلى وأعلم |
|
مواقع النشر (المفضلة) |
|
|