رؤيا لاخي..

بسم الله الرحمن الرحيم

السلام عليكم ورحمة الله وبركاته
ارجو تفسير رؤيا اخي جزاكم الله كل خير

ساسردها ع لسانه :
كاننا كنا في المساء في قريه خلا فضاااا مافيه اي شي سوا مسجد بس فيه حياة وناااس، المهم كانني انا واختي ( اللي هي انا) وامي، اما باقي اخواني اهلي جميعا كانوا معنا ولكنهم في السياره الثانيه كاننا كنا سيارتين وكانوا واقفين بعيد عننا ينتظرونا...
وكانت امي واختي واقفين عند مسجد هذه القريه وانا قريب منهم .. كانتا واقفين مع رجل كاننا نعرفه زين بس ما اذكر مين المهم اعطوه امي واختي ساعه كانها ساعه رجاليه لا اذكر شكلها وبالمقابل اعطاهم طقم كبير ابيض فضي فخم اعتقد انه الماس، والغريب كانه كان بيده بدون علبه وحطه بيد امي واخذ الساعه وراح .. فجاه مدري كيف ضاع مننا الطقم في نفس الموقف والمكان ..!!!!
الا فجاة نشوف ولد صغير عمره مايزيد عن 10 سنوات ويمكن اقل، كان راكب قلابي ومعه سلاح يطلق علي احد وفجاه يطلق عشوائي، بسرعه ركبنا السياره وهربنا..
(انتهت الرؤيا هنا ولكن بعد اسبوع رايت تكملها!!!!!)
التكمله هي :
اننا عندنا انا وامي واختي لنفس المكان لنبحث على الطقم في المساء بس كان ظلام شديد اكثر من هذيك المره وماكان فيه اي احد من اهل القريه مافي اي شي واضح بس انوار المسجد وكنا نبحث عن الطقم على نور السياره ..
وكانوا باقي اهلي نفس الجز الاول يقفون بعيد عنا ولكن الان كانوا تحت شجره كانهم يرقبوننا من بعيد، وكنا نبحث والغريب ان الرجل اللي اعطانا الطقم اتي يبحث معنا كنت مستغرب!
واحنا نبحث كانت تقف بالقرب منا امرأتين كانهم من اهل القريه كانوا يلبسون عبايات ونقابات ولكن وحده منهم كان شعرها طالع مجعد منتفش ولونه بني فاتح كان شكلها مخيف نقاب وفجاه كشه واتخيل كانها احدي بنات خالتي ن بس مو متاكد(متزوجه _ عندها 3 اولاد_ عمرها تقريبا 37) والاخري اعتقد انها كانت اطول قليلا من هذي بس ماكان مبين منها شي، كانوا يطالعوننا ينتظروننا نلقاه!!
الا فعلا لقيت طقم قلت لامي لقيته واعطيتها اياه ا قالت لهم امي لقيناه اخييييييرا مابغينا وهي تفتحه تشوفه،، هم بدوا يمشون باتجاه القريه الا شافت امي الطقم قالت لا مهوب طقمنا، لاحظت حركتهم وترتني ما ارتحت مدري وش سالفتهم قلت طيب قولي لهم قبل مايبعدون انه صارمو طقمنا قالت يابنات ساره! تراه مهوب حقنا اللي ضاع يوم طالعت ادورهم الا هم مختفين بسرعه،،!!!
الا توني متلفت من الجهة الثانيه الا نشوف سياره ددسن بدون غمارتها كانت تتقلب تتقلب تتقلب وكان فيها رجال قالت اختي اللي فيها ميت، ونشوف الا وراه نفس الولد بالقلابي كان وراه هو اللي مسويه فيها كذا وكان لسي يطلق بالسلاح عشوائي، واشوف ابوي في السياره الثانيه مدري من معاه من اخواني رجع السياره ريوس ودعس مشي ،وانا قلت لامي واختي و احد اخواني قلت بسرعه اركبوا نهرب ، وفعلا بدا يقرب لنا و كان يطلق وبسرعه مشيت وهربنا وكانت الطلقات تجي ع السياره كنا خايفين لين اختفي بعدين قالت اختي ( اللي هنا انا) احس برطوبه في ظهري... وصحيت..

اخي صاحب الرؤية _24 سنه تقريبا _توه متخرج من امريكا _ اعزب
انا مطلقه من 3 سنوات وزياده وعندي ولد _وموظفه
امي تعاني من مشاكل ضغط وهشاشه والام في الركب

الله يعطينا خير هالرؤيا وخير مافيها والله يصرف عننا شرها وشر مافيها..
والله يسخر لك ويسعدك...

وعليكم السلام ورحمة الله وبركاته
أختي الفاضلة الكريمة يدل مجمل حلم أخيك الفاضل
أن هناك من يضمر لكم حسدا وعداوة ويظهرونه تارة ويخفونه تارة وقد يؤدي حسدا هذا لعمل بعض الأسحار لكم
ولكن أسحارهم ستكون ضعيفة جداروغير مؤثرة بإذن الله تعالى .
والله تعالى أعلى وأعلم