رؤيا لي..

بسم الله الرحمن الرحيم

السلام عليكم ورحمة الله وبركاته..
ارجو تفسير رؤياي جزاك الله خير..

رايت كاني كنت في دوامي ع اخر وقت الدوام جيت للبيت نفس بيتنا في الواقع واخذت ابني بس مو نفس ابني الحقيقي شكله غير وعمره اصغر تقريبا ابو 10 شهوركذا يحبي وصحته مره كويسه لانه كان ثقيل شوي شلته باخذه معي ، واشوف حريم بالصالة تقريبا 3 مدري مين يطالعوني بانتقاد قالوا الله من جدك جايه تاخذينه للدوام اساسا مابقي شي ع انتهاء الدوام كان صبرتي لين يخلص الدوام بدل ما تجين تاخذينه وتودينه معك للدوام ولين انتهي الدوام ترجعون هنا مره ثانيه !!!
طنشتهم ومشيت وطلعت للشارع وركبت السياره في سيارتنا تاهو احمر ركبت في المرتبه الثانيه مع ان اللي يسوق اخوي!!! (ع _ عمره 20 سنه _ طالب في الجامعه)
لما ركبت كان السواق( مع اننا في الواقع ماعندنا سواق) وراي شايل سرير البيبي ولدي ويبي يركبه في المرتبه الثانيه جنبي حاول يركبه ما عرف مع انه ماكان كبير مره وله حامل مثل الشنطه، المهم لما ماعرف يركبه نزل اخوي علشان يركبه في شنطة السياره، بس نسي يسحب الجلنط فمشت السياره والدركسون لاف كان تدور بسرعه ترقي ع رصيف الجيران اللي امامنا وتنزل ع الشارع وترقي رصيف بيتنا وهكذا تدور بسرعه كنت بلحالي بالسياره انا والبيبي قلت اكيد راح تنقلب او تدخل في احد جدران الجيران، مدري كيف فجاه صرت كاني راكبه في الامام جنب مقعد السواق مدري هل قفزت ناسيه بس رحت بسرعه نزلت تحت وبيدي الثنتين ضغطت علي البريك بقوه لين وقفت السياره، جا اخوي فتح الباب عادي ماكانه صاير شي يضحك!!
واخوي الثاني(س _ عمره 29 سنه _ اعزب وموظف) من وقفت انا السياره قال لاخوي ع افتح الكبوت ويوم فتحه له جلس يطالع بالماكينه والبطاريه، استغررربت وش هالبرود فيهم!!!
حسيت كان ان اللي صار لي قبل شوي اصلا ماكانوا يشوفونه كاني عايشه هالشي ودوران السياره بلحالي!!

مطلقه من 3 سنوات تقريبا
ابني عمره تقريبا 5 سنوات
موظفه
والله يعطينا خير هالرؤيا وخير مافيها واللي يصرف عنا شرها وشر مافيها.. والله يسعدك ويوفقك لما يحب ويرضي..

وعليكم السلام ورحمة الله وبركاته
أختي الفاضلة الكريمة يدل مجمل الحلم على أن في عملك زميلات يغرن منك في بعض الأمور
وأن أخوانك من الأولاد يحاولا أن لا يتدخلوا في بعض مشاكلك
نشكر لكم حسن دعئكم ولكم مثله
والله تعالى أعلى وأعلم