فستان لونه عشبي

السلام عليكم ارجو منك ياشيخنا ان تفسر حلمي
حلمت ليلة البارح وكأني بسيارة ووقفنا عند محل تجاري وجاء اخوي ماجد ومعه حذاء لونه فضي او ابيض وكعبها عالي وعطاني اياها وكأنها عشان البسها مع فستان الزواج ثم دخلت البيت ولقيت اخت خطيبي ثم طلعت الدور الثاني وكأن البيت في الحلم هو بيت بنت عمي ولكنه ليس نفسه بالحقيقة ودخلت غرفة وكانت معي بنت خالي وكان فيه كيس كبير كأنه خطيبي واخته هم اللي جابوه لي وفتحته ولقيت صحن مغلف وفتحته ولقيت فيه تمر بس مو مره كثير وشكله عادي وصحن ثاني فيه حلى مثل البسبوسه وفستان لونه عشبي وشكله حلو وكأن اخت خطيبي جابته لي عشان البسه في ملكتي اللي هي نفس اليوم اللي دخلت فيه البيت في الحلم وكان شكله حلو واعجبني بس انا قلت كيف ماراح البسه لانه عريان من فوق وقلت استحي البسه عند خطيبي وانتهى الحلم ارجو التفسير .

طالبه عمري 23 اخر سنه بالجامعه
مخطوبه لولد خالتي بس للحين ماسوينا الملكة
اخت خطيبي متزوجه وحامل الحين