|
#1
25 Oct 2013, 07:36 AM
|
|||||||||
|
|||||||||
|
بحلم دائما بالرقم 3
بحلم كتير اوووي بالرقم 3 وازداد فى السنوات الاخيره يعني تقريبا من 3 سنين بس افتكر حلم حلمته وانا طفله كنت فى ابتدائي انى رايحه المدرسه ولما نزلت بركب السياره ببص لفوق عشان اودع امي اللى كانت واقفه فى الشباك لقيتها متكرره 3 مرات يعني واقفه فى كل شباك من الشبابيك التلاته اللى بتطل على الشارع وافتكر اني قمت مرعوبه من الحلم بعد خطوبتي الاولانيه بفتره طوويله يمكن سنه حلمت من انه خطيبي الأولاني جاي عندنا وفرحان انه رجعلي و انا لابسه 3 دبل فى ايدي ... والحلم ده اتفسرلي على انه هتخطب 3 مرات وفعلا انا اتخطبت 3 مرات اخرها كان من شهرين والخطوبتين وحده استمرت 3 ايام والتانيه 5 ايام والسبب غير معروف بس فجاه الموضوع ينتهي ........... حلم حلمته كمان من فتره .. انه انا واختى فى محل شنط وعجبتنا شنطه لونها بنى وسيبناها للراجل على ما نطلع فوق فى المول نتفرج على بقية المحلات وسيبنا شنطنا انا واختى كمان عندهم زي ما بياخدوا منك الاكياس وانت داخل اي محل وطلعنا فوق فى المول عدينا على كافيتيريا كانت فاضيه وتقريبا قاعد فيها 3 بس اتنين قاعدين مع بعض وواحد لواحده وبيبصلنا وبيضحك بعدين جمبه محل شبه فاضي كده وكانهم لسه بيجددوه فخفت وقلت لاختى خلاص تعالى ننزل ناخد الشنطه ونمشي نزلنا عشان نحاسب عالشنطه ونمشي فبناخد شنطنا اختى اخدت شنطتها وانا مش لقيت شنطتي وقعدوا يدوروا عليها جم الـ 3 شباب اللى شغالين فى المحل بيدوروا مش لاقيينها وقالوا انها اتسرقت تقريبا واكيد وحدها خدتها على انها بشنطتها .. وقعدوا يهدوني ويقولولى طيب خدي بدالها شنطه تانيه جديده وانا اقولهم انا هصوت والم الناس عشان انتوا سبب ان شنطتي اتسرقت من عندكم وهما يهدوني وانا اقول لأختى طيب مش مهم الشنطه ولا الفلوس اصلا مش فيها الا 100 وشوبه بس بس المهم البطاقه والرخصه هجيب غيرهم منين دلوقتي وكنت محتاره اووووي اعمل ايه ............. تالت حلم حلمته قبل ما اسيب خطيبي الاولانى بيوم وتاني يوم بكلمه فى التليفون وبقوله عالحلم قالى تخاريف ومش تحطي فى دماغك وفى اخر المكالمه اتخانقنا والخطوبة اتفشكلت وحلمت انه انا وخطيبي موجودين ومعانا 3 من صحابه ( انا اعرفهم شكلا لأنهم حضروا خطوبتنا بس وهما متجوزين ومعاهم عيال ) وان كل واحد فيهم جاي يقولي سيبك من محمد ده وحش ومش كويس وكل واحد يجي يقولى نفس الكلام انه محمد وحش وخليكي معايا انا وهوه واقف بعيد وساكت ............... حلمت مره انى سقطت فى الامتحان وشلت 3 مواد وجت دكتوره تقولى مش تخافى انا هحاول اخليهم يرفعولك ماده عشان تعدي السنه .................. فى حلم كمان حلمته بعد خطوبتي الاولانيه برضو بفتره يمكن سنه او اقل اني رايحه شغلي وانا بشتغل مدرسه وكنت اياميها بعمل فى قريه حلمت اني راكبه قطر مع اني مكنتش بروح ابدا بقطر واول ما القطر بدأ يهدي عشان يقف لقيت كان فى 3 شباب واقفين واول ما شافوني واقفه فى القطر من جوا طلعوا يجروا ورا القطر عشان يستنوني لما انزل وانا اول ما القطر وقف طلعت اجررري بسرعه قبل ما يلحقوني وقعدت امشي من طرق غير اللى بمشي منها عشان اروح المدرسه ودخلت بيت واحد زميلي فى المدرسه اكن فيه سلم هيوصل للمدرسه على طول دخلت وطلعت السلالم وكل لما اطلع درجه الدرجة دي اكنها قبر لحد ومكتوب اسم الميت عليها وكل درجة بقبر ومكتوب اسم صاحبه لغاية ما طلعت فوق خالص وسمعت ناس بتعيط كان فى حد ميت فقلت مش هينفع اعدي من قدامهم قررت انزل واشوف طريق تاني وانا نازله لقيت فى قطه لونها بني على اورانج طوويله بتبصلي جامد وعينها اليمين كبرررت اوووي وانا بطبيعتي بخاف من القطط اصلا فنازله برااحه بجنب عشان اهرب منها لقيتها قامت فاتحه بقها وعضتني فى دراعي وانا عاوزه اصوت وصوتي مكتوم مش قادره ... والحلم ده اتفسرلي على انه ليا قرينه سفلى بتغار مني بس .. لكن بدايته كانت 3 شباب برضو وفى احلام كتير جدا بس ده اللى فاكراه حاااليااا 
|
| مواقع النشر (المفضلة) |
|
|
العرض الشجري