الشيخ الغريب\\ممكن؟

السلام عليكم ورحمة الله وبركاته

شيخنا الفاضل الغريب...عندي سؤال لو سمحت...

من سنين طويلة جدا يمكن حوالي خمسة عشر سنة او اكثر كنت لما ابغى انام وانا لسه اقول دعاء النوم طبعا بيحصل نعاس للانسان استعداد للنوم...واثناء الدعاء وانا لسه بفغي اشعر بفزع وخوف شديد جدا جدا واقوم مرعوبة من نعاسي\\\رغم اني واعية لسه وما غفيت بشكل نهائي.\\\والتعبير الوحيد اللي كنت اقوله عن حالتي تلك هو خوف وفزع من الموت\\كذا كنت احس\\\واستمر معايا الحال سنين طويلة جدا...بعدها تبدل الوضع وصار بدل ما اخاف تجيني شرقة\\\طبعا تعرف الشرقة..كاني اشرق بماء او شئ\\\\وبنفس التوقيت بالضبط اللي هو وقت دعاء النوم ومع بداية النعاس...واقوم وانا اكح كحة قوية واحيانا تطول معايا واتعب...واوقات تجي خفيفة شوي...لكن الاكيد انها لازم تجي يوميا يوميا لليوم...وكمان هذه لها سنين معايا ولا فارقتني حتى في وقت القيلولة لازم تجي؟؟؟؟؟هل لها تفسير شيخنا والا امر عادي؟؟
وايضا شيخنا لي فترة برضوا طويلة لكن مو سنين...تجيني بنفس وقت دعاء النوم والنعاس انة بصوت مسموع\\انة وحدة بس\\\واحس بهزة بجسمي كان احد يهزني مصاحبة لصوت الانة...واختي سمعتني مرة وقالت لي ليه توني؟؟؟مع العلم اني اسمع نفسي ايضا وانا اون الونة هذه وواضح الهزة....يوميا تحصلي من فترة يمكن شهور...

وجزاااااااااااااكم الله خير ووفقكم لمافيه خيركم وصلاحكم

السحر سحرمرض وهو نوع من التعذيب لكي حتى لاتنامين فتشعرين بالتعب والارهاق
والله اعلم

جزاك الله خير شيخنا الفاضل...وكلامك صدق فعلا لاني ما انام مثل باقي الناس حتى اهلي تبارك الله نومهم عادي لاقوة الا بالله...الا انا ووحدة من اخواتي...بس هي عندها صداع مستمر من وهي في الثانوي والدكتور قال انه حيستمر الصداع معها عمرها كله...اما انا فنومي غريب ومتعب جدا جدا...وكله كوابيس معظمها مثل ماقلت لحضرتكم بالجن والشياطين وشفت ابليس بنفسه الله يخزيه....او احلام واضحة جدا وحزينة...اسال الله المغفرة والرحمة والثبات على الحق ويرحمنا برحمته.

الفشكر لك شيخنا ودمت بصحة وسعادة يارب