|
#1
15 Feb 2013, 09:38 PM
|
|||||||||
|
|||||||||
|
حلم اختي
ارجوا منكم تفسير الحلم ان كان فيه خيراً لنا هذا حلم لاختي البارح وسوف انقله على لسانها ... حلمت اني انا وزوجي س واخته الصغرى في سوق المباركيه في الكويت كاننا رايحين نغيير جو للكويت المهم واحنا في السوق كان زوجي طول الوقت جنبه اخته كأنها تسيطر عليه بدون مايحس وانا وراهم امشي وصايره كأني قصيره اقصر بكثير من طولي الطبيعي وعلي عبايه ع الراس انا بالعاده عبايتي ع الكتف المهم واحنا نمشي دخلوا محل جلابيات واقمشه وانا طبعا امشي وراهم و اخذت اخته قماش لونه ع سكري وفيه قطع فضيه مركبه كانها من الجلد خذته وشراه لها زوجي س بدون مايقول ولاشي وقالت للبياع ابغاك تفصلي اياها جلابية وانا اطالعهم وتضايقت انه ليش ماشرالي وعلطول شراه لها بدون مايقول ولاشي ولا حتى يتردد فقلت في نفسي يمكن لانها علطول دخلت وشرت ، بس انا عارف اني راح اقعد ساعه اقلب بالاقمشه واتردد اخذ هذا والا ذاك ومو باقي وقت هالصلاة مايمدي علشان كذا ماشرالي بعدين طلعوا ونفس الشي طلعت امشي وراهم وهو كانه مسحور يمشي جنبها ولافكر حتي يلتفت يشوف ويني كأني مو معهم واحنا نمشي قلت والله الاقمشه حلوه خلني ارجع اشوف يمكن يمديني قبل الصلاة وفعلا رجعت وهم كملوا مشوا لما وصلت للمحل لقيت حرمه خارج المحل تقول ودي اشتري بس بيسكر قلت خلينا نشوف دخلنا كأنه القسم الداخلي للمحل دخلتنا حرمه مع ان اللي باع لأخت زوجي كان رجل وكانه قسم خارجي للمحل كانها في مشغل خياطه او القسم الداخلي للمحل فيه مكاين خياطه وخياطات كلهم حريم المهم قلت لهالحرمه ودي اشوف واشتري قالت تدرين تعالي بيمديك قبل الصلاه ودخلتنا انا والحرمه اللي معاي اللي كانت واقفه عند المحل يوم دخلت اشوف خياطات ع مكاينهم في وسط الغرفه اخترت قماش يشبه الخامه اللي اختراتها اخت زوجي وكانها الموضه الدارجه بس احس اللي اخترت احلي وقلت في نفسي احس القماش اذا تفصل جلابيه مثل ماسوت اخت زوجي بيصير بزياده فخم مو حلو ما احب كذا ، انا راح اسويه فستان بيصير احلي كنت ابغي الفستان طويل كلوش وفيه قصه بس تحت الصدر ومافيه اكمام وفتحة صدر صغيره شرحت لهم الموديل وطلعت لهم فستان للمقاس كاني جايبته معي قلت ابغي نفسه وكان هالفستان المقاس هو فستان ملكتي حتي مو نفس الموديل اللي ابي المهم وانا باطلع من المحل خلاص بعد ما اتفقت معهم الا رجعت قلت لحظه ترا الفستان اللي عطيتكم اياه مقاس اللي هو فستان ملكتي مررررره وسيع توني اذكر واشوفه في الحلم صدق كاااااان مرررررررررره وسيع حق وحده سمينه مع اني عمري ف حياتي ماوصلت هالوزن المهم لما قلت لهم كذا قالوا خلاص اجل بناخذ مقاسك وجابت المتر وقعدت تقوسني ويوم خلصنا قالت شوفي هذا قميص رضاعه للنفاس عليه. عرض ، طالعته يشبه حقي اللي في نفاس ولدي لونه سكري بس احلي فيه شغل بالكلف وجبيرشوي قعدت اطالعه قلت مااحتاجه لاني مو حامل بس باخذه لنوره اختي هي اللي حامل وولادتها قريبه مع اني اذكر كانها كانت تقول باخذ قميصك القديم المهم الظاهر اني اخذته وطلعت وانا طالعه الا قابلتني نوره اختي كانها كانت جايه معنا الكويت بلحالها هي وواحد من اخواني الصغار مدري مااذكر بالضبط اي واحد فيهم المهم قالت لي وينك انتي ادورك؟ كانها فقدتني بس زوجي مايدري عني توني باقولها عن سالفه القماش والفستان الا جا اخوي وقال نوره فيه هديتين كبيره في صندوق السياره مغلفه وكاننا جايين بسياره فيها صندوق ياددسن ياهايلكس مع ان سياره زوجي الحقيقيه ولاوحده فيهم المهم قالت نوره ايه هالهديتين انا جايبه هديه من الكويت لاهلي وحده شنطة عود والثانيه مدري وش قالت قلت انا يووووه تصدقين ذكرتيني انا بعد ودي اجيب لاهلي هديه بس مدري وش اجيب وانا قاعده افكر صحيت من النوم هذا مجمل حلم اختي الذي اخبرتك في حلمي السابق عنه انا نوره متزوجه اكثر منثلاث سنوات وحامل ولدي طفل واختي متزوجه اكثر من سنتين لديها طفل وتمر حالياً بمشاكل مع زوجها لاتعلم سببها بالضبط لانه فجأه لم يأتي لاخذها من بيت اهلي عندما اتت زياره لهم ولم يرد على اتصالها واهله دائماً تصرفاتهم معها غريبه رغم انها لم تتعرض لهم بشئ (وهناك ملاحظه ياشيخ انني في حلمي السابق شاهدتهم كلهم في بيتنا ماعدا اخته الصغرى لااذكرها حضرت معهم) ارجوا منك تفسير الحلم بالتفصيل للضرورة القصوى وباسرع وقت. فربما يكون فيه حل او جواب لما يحدث وجعلها الله في موازين حسناتك وفتحها الله عليك دنيا وآخره
|
|
26 Feb 2013, 11:29 AM
|
#2 | |
|
الحسني
 
|
رد: حلم اختي
أختي الفاضلة الكريمة
يدل مجمل الحلم على أن أهل زوجك مأثرين عليه والأكثر أخته هذه وقد تكون هي السبب في المشكلة وأن أهلك يحاولون تخفيف مصابك في المشكلة والله تعالى أعلى وأعلم |
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
