وانا وبنات خالتي

السلام عليكم ورحمه الله وبركاته

حلمت من كم يوم حلم اني كنت في بيت خالي الكبير حمد توفي قبل كم شهر حلمت اني كنت في الحوش الخلفي حق الرجال طبعا ايام العزا كنا نروح لهذاك القسم لصغر البيت كان عزا الرجال في بيت ولده الكبير
المهم كنت في حوش الحوش الحريم وبادخل ع حوش الرجال كانها كانت عزيمه كنت كاشخه ولابسه بنطلون اسود وجاكيت ابيض دنتيل هذا الجاكيت عند اختي في الحقيقه وكان عاجبني
في الحلم لابسته نفسه بس فيه حركة صفطات وتكسير عند الصدر معطيته فخامه وفاكه شعري وملفلف وكان ع شقار مع ان شعري حاليا اغمق وكنت حاطه روج احمر
المهم وانا بادخل لحوش الرجال الا كانت معي وحده سوريه ما اعرفها قالت لي افتحي الجاكيت احس شكله احلي بيصير قلت صدق فتحته وكان علي تحته هاينك اسود
تركتها ومشيت لما دخلت حوش الرجال الا اشوف بنات خالتي نوره اخوات ثنتين وحده منهم مطلقه كبيره يمكن عمرها في الثلاثين وعندها وولدين وبنت لها فتره مطلقه بس هالفتره انخطبت وبتتزوج
والثانيه اكبرمني يمكن عمرها 26 ومابعد تزوجت وبنت اختهم توها متزوجه يمكن من 3 شهور هذولا الثلاث كم مره احلم فيهم بس ماقد فسرت احلامي فيهم
المهم لما دخلت لقيتهم هالثلاث جالسات ع شي مدري وشو ولبسهم كان غريب كانهم لابسين بلايز بجايم داخليه شتويه وعليهم تنانير وماكانوا كاشخين ما كانهم جايين عزيمه بنت خالتي المطلقه كان شعرها اشقر قصير مربوط ذل حصان
المهم جيت سلمت عليهم وهم يالله يالله يسلمون علي كان ماودهم حتي اذكر كاني سلمت ع بنت خالتي هذي المطلقة مرتين نسيت احسب اني ماسلمت واحس كانها ماودها اسلم بعد مره ثانيه
ولما سلمت ع بنت اختهم وهي بعد اكبر مني عمرها 26 قالت لي وهي مبتسمه كانها ابتسامه انتصار سمعت انك تركتي
انا فهمت قصدها زوجي اني انا وياه تركنا بعض وفعلا كاننا في الحلم تاركين بعض بس كان محد يدري انا انصدمت كيف درت مارديت عليها ابتسمت ومشيت
قلت في نفسي اخاف اقولها وش دراك وتتاكد يمكن هي مو متاكده بس تبغي تشوف وش بقول خلني اسكت علشان كذا سكت
بعدها مشيت بدخل من باب الرجال الداخلي ع المجلس طبعا كان فيه حريم هناك وانا بادخل الا اشوف العيال المراهقين اللي ما اتغطي منهم جالسين ع الارض مسوين دائره
بس ما اذكر منهم الا ولد خالتي الصغيره بعد شكله ع خبري صغير والا الحين صار رجال وصرت اتغطي عنه هو الحين في الجامعه وانا شفته في الحلم كانه في المتوسط
المهم جالس مع هالمجموعه وطالعني وقام يضحك وفيه كم واحد يضحك معه مدري منهم ومدري ليه يضحكون
مشيت وتركتهم ودخلت مع باب الرجال الداخلي الا وانا داخله اطالع صدري مع ان كان علي بلوزه قلت خلني اسكر الجاكيت احلي لعبت علي هالسوريه تقول شكل الجاكيت مفتوح احلي ودخلت وانتهي الحلم

عمري 24 سنه
متزوجه لي سنتين ونص تقريبا
عندي ولد عمره سنه و3 شهور
حاليا صايره مشكله لي مع زوجي ما اعرف وش سببها
كان بيجي ياخذني من عند اهلي ولا جا ولارد على اتصالاتي ولا ادري وش السبب !!

والله يوفقك ويجزاك الف خييييييييييييييييير

أختي الفاضلة الكريمة
يدل مجمل الحلم على أن هناك من تحاول أن تغير بعض عاداتك وآدابك
ولكنك واعية وحريصة وستحافظين عليها .
والله تعالى وأعلم