حصان وتنين

رأيت اني واقفة انا وزوجي (وأظن معي عيالي لكن مااشوفهم ) في حوش بيت اهلي قبل مايترمم ويتغير شكله . وشوي اطالع في الجو واشوف حصان ابيض يجري في الجو وكان مربوط بحبل في طيارة والطيارة تسحبه . واطالع مستغربه المنظر والطائرة تهتز من حركة الحصان ولكنها ثابته واقول في نفسي سبحان الله كيف الطائرة تقدر تشيل حصان كبير كذا ! والطائرة تمشي والحبل ممدود وراها والحصان مربوط فيه ويجري .. شوي اشوف تنين ابيض برضه يجري ورا الحصان في الجو والتنين برضه يسحب وراه سفينه كبيرة بأشرعه . برضه يسحبها وراه بحبل ولونها ابيض . طالعت مندهشه . قال زوجي هذا التنين يبغى ياكل الحصان . اللي فهمته ان التنين يتغذى ع الاحصنه . الحصان يجري والتنين يلحقه وهم في الجو وبعدين الطائرة نزلت بين البيوت وصرت مااشوف الطائرة ولا الحصان المربوط فيها والتنين هجم عليهم بين البيوت وقلت في نفسي شكل التنين اكل الحصان . ولكن الحصان رجع طلع من بين البيوت يجري لوحده بدون الطائرة وكأن الطائرة صار لها شي تحت او شي مااعرفه . والحصان بس اللي طلع .. والتنين لحقه يجري وراه واصاروا يحرون جهة حوش اهلي لكن لسى ماوصلوا . وانا خفت كيف لو يوصلون للحوش ويمكن نتأذى انا وعيالي او يصير لنا شي من التنين . قلت في نفسي شكلنا بنتخبى داخل البدروم لحد مايروحون وبنفس الوقت قلقانه يمكن يشوفنا التنين او شي . وانتهى الحلم
انا ياشيخ اعيش في دولة ثانيه بعيدة عن اهلي .

أختي الفاضلة الكريمة أحلام
يدل مجمل الحلم على أن هناك شخص يريد السفر وهناك شخص يحاول أن يمنعه
والله تعالى أعلى وأعلم

كل عائلتي ياشيخ نفسنا نسافر لاهلنا في هذي الاجازة ولكن متخوفين على انفسنا مع ازمة كورونا . بالذات اولادي نفسهم يسافرون وزوجي رافض لهذا السبب ..