محكمة الجن في الحرم المكي !

حلمت اني في الحرم المكي وإني شفت كأنه فيه قبو
لكن القبو في نفس صحن الطواف !
وفيه رجال محبوسين في ممر ضيق مقفل بقضبان زي السجن و لابسين ثياب بيضاء سعودية زي حقتنا يبان رأسهم ويدهم وباقي جسمهم مختفي ومنبطحين على بطنهم ويمد يدهم من ورا القضبان كأنهم يستنجدوا وفيه سياف ومعاه مجموعة ناس يبغوا ينفذوا فيهم حكم القصاص
وسألت مين هذولي قالوا هذولي الجن اللي آذوا الناس او سووا أشياء مو كويسة وجا وقت القصاص واشوف السياف بيقطع شيء لكن مافي شيء قدّامه قالوا هما كذا يصيروا غير مرئيين وقت القصاص بس حاطين جنب الجني عود طويل يشبه عروق العنب وقالوا شوفي انقطع العود نصفين معناتوا خلاص انقتل
والسياف كان معاه فاس مو سيف وبيقصوا واحد ورا الثاني وانا مستغربة قالوا لي هذي محكمة الجن وكل ذَا صار في الحرم .
وخلص الحلم .
هذا الحلم اذا كان تفسيره مو حلو ما ابغا يتفسر !

أختي الفاضلة الكريمة
يدل مجمل الحلم على إن الحرم رمز للدين وأن هناك فعلا محاكم لهم
تقتص من الظلمة والمجرمين منهم بما يستحقون
والله تعالى أعلى وأعلم