ارجو التفسير

السلام عليكم

رايت أني ابحث عن دورة المياه وكل مره ادخل اريد ابدا بالوضوء بس ما اكمل من شدة غذارتها (دخلت لكذا حمام) بعدين رحت لبيت اخوي فالبدايه ما كانوا موجودين ولما جو بغيت اطلع من غير ما تشوفني مرة اخوي بس شافوني ففكرت انيي لو طلعت من الباب الثاني ما كنت راح انشاف

حلم 2
شفت اهلي قاعدين في غرفتي تضايقت لما شفت المرمي فيها (ما اتذكر وشهو بالضبط بس كان منتشر فكذا مكان) فعلى طول لميت معاهم ونظفت الغرفه بعدين كأني كنت مع امي فالصاله وقالت لنا انو في ناس جايين سألتها فالبدايه ماجاوبت عشان هذيل الناس جايين يخطبون بنت قريبتي منا وقريبتي كانت معانا فخافت امي ان البنت تعصب (لانها فالواقع غير موافقه) .. بعدها عرفنا كلنا فقالت قريبتي لقريبه لها كلنا راح نتزوج الا انت واختي بعد قالت كلام مستفز .. حسيت قريبتها راح تبجي ضايقني موقهن فقلت لقريبتها لا تتضايقين ولاتشيلين هم الله كاتب لنا كل خير وراح يرزقك بالوقت المناسب لك فقالت كلام يدل على انه اخوي تأخر عليها (فالواقع واصلنا كلام انها تريد اخوي زوج لها) فقلتلها انت ليه حاطته فبالك!!! فكانت ناويه تقولي بس قلتلها بعدين راح نتكلم .. بعدها رحت لغرفتي فقررت اعيد ترتيب الاثاث فيها وكانت حلوه غير الواقع

3
قريبة خطيبي حلمتني قاعده اسولف وأضحك


4
حلمت انيي اجمع مع بنات اخوتي فطر (الي يطلع بالصحرا) معظمه بحجم كبير وناصع البياض .. حسيت انيي فرحانه كثير بلي جمعته ..


آنسه

بسم الله الرحمن الرحيم
أختي الفاضلة الكريمة
يدل الحلم الأول والثاني على أمور تريدين التخلص منها .وهناك موضوع يخص أخوك وزوجته وتظنين أنهم لايعلموه وهم يعلموه .
ويدل الحلم الثالث والرابع على مستقبل سعيد بإذن الله تعالى .
والله تعالى أعلى وأعلم