الرسل والأنبياء في القرآن والسنة ـ دراسات وأبحاث . الإدارة العلمية والبحوث The prophets and apostle عليهم صلوات ربى وسلامه |
|
أدوات الموضوع | انواع عرض الموضوع |
|
#1
|
||||||||
|
||||||||
رسالة لكل أخت ولكل أخ .. بتحب مين ؟::
رسالتي انهارده .. عبارة عن سؤال .. ياترى بتحب مين ؟؟ ياترى بتسمع كلام مين ؟؟ ياترى لو هتضحي بعمرك هتضحي عشان مين ؟؟ أسئلة كتيره كلها معناها واحد .. وهو تفدي مين بروحك ودمك ومالك وولدك ووالدك والناس أجمعين ؟؟ السؤال إجابته بالكلام سهله أوي .. ودي بقت أكتر حاجه بنعملها .. إننا نقول .. بنحبك يارب .. بنحبك يا رسول الله .. وييجي وقت الامتحان يظهر إننا كنا كذابين .. سامحوني لو داخل شديد في كلامي .. بس مش ده الواقع اللي احنا عايشينه !! النبي صلى الله عليه وسلم ضحى بكل شيء في سبيل إن انت تطلع مسلم .. إن انتى تطلعي مسلمه .. النبي صلى الله عليه وسلم الكفار أذوه وشتموه وضربوه .. بس صبر عشان إنتي تبقي طاهره وعفيفه وتبقي في حمى الإسلام .. النبي صلى الله عليه وسلم ساب بيته وأهله وأحب البلاد إلى قلبه عشان انت تكون مسلم متبع لسنته .. عشان انتي تبقي مسلمه تمشي على هديه وهدي أمهات المؤمنين .. بس يا ترى احنا عرفنا قدره ؟؟ اديناه حقه ؟؟ ضحيت بإيه عشان تثبت إنك بتحبه ؟؟ ضحيتي بإيه عشان تثبتي محبتك للنبي صلى الله عليه وسلم وقبلها تثبتي محبتك لله جل وعلا .. ياترى إيه في حياتك وحياتِك يدل إن احنا بنحب الله وبنحب رسول الله صلى الله عليه وسلم ؟؟ شكلك زي شكله ؟؟ شكلِك زي أمهات المؤمنين ؟؟ نهجك هو نهجه ؟؟ هدفك هو هدفه ؟؟ عاوز الدليل العملي على محبة النبي صلى الله عليه وسلم !! احنا في زمن الفتن .. وكل يوم يطلع لنا واحد يتكلم في الدين بمزاجه ويخرف ويقول ده هدي النبي صلى الله عليه وسلم .. واحنا زي ال... نمشي وراه !! بالله عليكم لما نسمع إن سيدنا عبد الله بن عباس كان بيحدث الناس في أمر وبيقول لهم قال رسول الله صلى الله عليه وسلم كذا وكذا .. فواحد قال له ولكن قال أبو بكر وعمر كذا وكذا .. فسيدنا عبد الله بن عباس غضب وقال له أقول لك قال رسول الله ثم تقول لي قال أبو بكر وعمر !! على الرغم من إن النبي صلى الله عليه وسلم قال ( اقتدوا باللذين من بعدي ) يقصد أبا بكر وعمر رضي الله عنهما .. لكن الطاعة لهم مقيدة بحدود الشرع زي طاعة الوالدين وأولي الأمر منا .. الوحيد اللي طاعته مطلقه هو رسول الله صلى الله عليه وسلم .. لأن كلامه وحي من عند الله جل وعلا ( وما ينطق عن الهوى ، إن هو إلا وحي يوحى ، علمه شديد القوى ) وكما قيل ( كل يؤخذ منه ويرد عليه إلا صاحب هذا القبر .. وأشار على قبر النبي صلى الله عليه وسلم ) .. هو ده ديننا .. وهو ده هدي السلف الصالح من الصحابه والتابعين وتابعيهم بإحسان إلى يوم الدين .. ياترى لسه هتقول لي بحب ربنا وبحب النبي صلى الله عليه وسلم .. وأنا للأسف مش شايف فيك أي علامة تدل على صدق كلامك .. لا شكلك ولا أخلاقك ولا معاملاتك ولا أي شيء .. عرفنا إيه من سيرته ؟؟ طبعا حافظين أسماء الممثلين والممثلات والمغنيين والمغنيات والرقاصين والرقاصات الأحياء منهم والأموات .. أكتر من أسم النبي صلى الله عليه وسلم .. أكتر من أسماء أمهات المؤمنين .. اكتر من أسماء بنات وأولاد النبي صلى الله عليه وسلم .. لحد إمتى هندننا بعاد عن الحبيب صلى الله عليه وسلم .. خاف بئى من الموت ومن العذاب .. خاف من أخذ ربنا الشديد .. مش كفايه أعداء الدين في الداخل وفي الخارج عمالين يهدموا في ثوابت الإسلام .. هتبقى انت كمان واقف ضد الإسلام .. اسمع الكلمة دي وخليها في قلبك وانتي كمان خليها في قلبك طول ما انتوا عايشين ... قال تعالى ( اتبعوا من لا يسألكم أجرا وهم مهتدون ) و قال النبي صلى الله عليه وسلم ( إن هذا العلم دين فانظروا عمن تأخذون دينكم ) .. تلاقي مذيعة طالعة لابسه جيبة ربع كم .. وبتتكلم في الدين .. انتي تعرفي إيه عن الدين .. متسمعش لأي حد .. يقولك الدين ده دين إرهاب .. دين تخلف .. دين كبت حريات .. دين بيقيد حقوق المرأة .. قول لهم .. دين الإرهاب حرم قتل الطفل والمرأة والشيخ الكبير .. حرم قطع الأشجار .. وده في وقت الحرب .. ياترى مين فينا الإرهابي !!! دين التخلف هو اللي علمكم حضارتكم اللي انتوا عايشين فيها دلوقتي .. بس لما أهله اتخلوا عن دينهم ربنا نزع منهم ملهكم .. يا ترى مين فينا الإرهابي !! دين كبت الحريات هو اللي قال ( لا إكراه في الدين ) .. هو اللي قال ( فمن شاء فليؤمن ومن شاء فليكفر إنا أعتدنا للظالمين نارا أحاط بهم سرادقها ) .. يا ترى مين فينا الإرهابي !! الدين اللي بيقيد حقوق المرأه هو اللي جاب لها حقها من المجتمع الجاهلي اللي كان بيقتلها وكان بيحرمها الميراث وكان بيستعبدها .. هو اللي خلاها جوهرة مصونه محفظة من كل غين ومن كل ذئب .. هو اللي دافع عنها .. يا ترى مين فينا الإرهابي !! وبفضل ربنا إنه أرسل لنا رسول مننا بيخاف علينا وحريص علينا وبينا رؤوف رحيم .. صلى الله عليه وسلم .. بعد ده كله مش عاوزين سنته وماشيين ورا كل ناعق !! رسالتي لكل بنت وكل أخت طاهرة عفيفة حييه اثبتي على طريق أمهات المؤمنين ولا تتزعزعي فإن لك ربنا لا يضيع أولياءه .. لك ربنا لا يضيع أحبابه .. انتي ضحيتي بإطهار مفاتنك عشان ربنا يرضى عنك وعشان تمشي على هدي الحبيب .. ضحي انهارده حتى لو منعوكي من كل متع الدنيا .. منعوكي من الامتحانات قولي لهم مش عاوزاها .. تغور وتغوروا معاها بس يفضل ربنا بيحبني وأعرف أقابل النبي صلى الله عليه وسلم وهو راضي عني .. وانت يا حبيبي .. استمسك بتوبتك ومتترددش ومتخافش من طريق النبي صلى الله عليه وسلم .. اثبت فإنك آويت إلى ركن شديد .. آويت إلى رب عظيم جليل .. من هنا ورايح شعارنا كلنا .. (قل إن كنتم تحبون الله فاتبعوني يحببكم الله ويغفر لكم ذنوبكم ) شعارنا ( تركت فيكم ما إن تمسكتم به لن تضلوا بعدي أبدا ، كتاب الله وسنتي ) .. شعارنا لا تراجع عن هدي الحبيب ولا استسلام .. ربنا يرضى عني وعنكم وينصر بنا دين الله عزوجل .. انشروا سنة الحبيب صلى الله عليه وسلم وتعاليم الدين السمحه بقدر ما استطعتم .. أسأل الله أن يكتب اجركم ويعلي شانكم ويثبتني وإياكم على الدرب إلى أن نلقى الله عزوجل وهو عنا راض غير غضبان . والسلام عليكم ورحمة الله وبركاته .. |
25 Apr 2011, 02:29 AM | #2 |
باحث فضي
|
رد: رسالة لكل أخت ولكل أخ .. بتحب مين ؟::
بـــــــــــــارك الله فيك اختي .....فخوره بحجابي .
اللهم صلي وسلم عليك يارسول الله |
فمـــا كــانــ ومــا صــار ومــاكنتـــمــ ومـــاكنـــا وأنــ كـــانــ ولابــد منـــ العتبـــــى فبـــالحـــسنـــى
|
25 Apr 2011, 12:35 PM | #3 |
وسام الشرف - قروب ـ رياحين الإخاء جزاها الله خيرا
|
رد: رسالة لكل أخت ولكل أخ .. بتحب مين ؟::
وفيك الله بارك اخى المغيب
شكرا لك مرورك الطيب ودعائك جزيت خيرا ًاخى |
|
25 Apr 2011, 09:42 PM | #4 |
باحث جزاه الله تعالى خيرا
|
رد: رسالة لكل أخت ولكل أخ .. بتحب مين ؟::
بارك الله فيكي اختي الفاضله
وجزاكي الله خير |
قال رسول الله صلى الله عليه وسلم « إذا دعا الرَّجلُ لأخيهِ بظَهرِ الغيبِ قالَتِ الملائِكةُ آمينَ ولَك بمِثلٍ» الراوي: عويمر بن مالك أبو الدرداء المحدث:الألباني - المصدر: صحيح أبي داود - خلاصة حكم المحدث: صحيح فلاتحرمونا دعائكم |
25 Apr 2011, 09:48 PM | #5 |
وسام الشرف - قروب ـ رياحين الإخاء جزاها الله خيرا
|
رد: رسالة لكل أخت ولكل أخ .. بتحب مين ؟::
وفيك الله بارك شيخنا الفاضل ابو خالد
جزاك الله خيرا وبارك الله فيك وفى علمك ونفع بك شكرا ً لك مرورك الطيب ودعائك |
|
29 Apr 2011, 12:21 AM | #7 |
وسام الشرف - قروب ـ رياحين الإخاء جزاها الله خيرا
|
رد: رسالة لكل أخت ولكل أخ .. بتحب مين ؟::
ااااااااااااااااااااامين يا رب واياك اخى بارك الله فيك وجزاك رى الجنه شكرا لك على مرورك الطيب والدعاء |
|
14 May 2011, 05:26 PM | #9 |
وسام الشرف - قروب ـ رياحين الإخاء جزاها الله خيرا
|
رد: رسالة لكل أخت ولكل أخ .. بتحب مين ؟::
ااااااااااااامين يا رب
واياكى اختى الراقيه رزقكِ ربى الجنه |
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
درس يامن تبحث عن العلاج انه فيك | ابومــحــمــد | السحر وخطره على المجتمعات قديما وحديثا . الإدارة العلمية والبحوث Research studies and the risk | 3 | 14 Jan 2010 12:49 AM |
أم تبحث عن تفسير لحلمها هل من مرشد؟ | نورالهدى | تعطير الأنام في تأويل الرؤى والأحلام - تفسير ابن الورد الحسني | 7 | 04 Jan 2007 11:09 AM |