زواج اختي!

بسم الله الرحمن الرحيم

السلام عليكم ورحمة الله وبركاته ارجو تفسير رؤياي جزاك الله خير..

رايت كان فجاه اليوم زواج اختي( هي الواقع متزوجه) وما اذكر وين كنت فيه بس قلت اشوا ان معي فستاني بشنطتي اليدوية!( فستاني هذا نفس الواقع هادي ولونه وردي) رحت بسرعه لبسته ودخلت القاعه ماكان فيه ناس كثير بس كنت واثقه من نفسي اني انيقه المهم كنت رايحه لغرفة العروسه علشان اكمل باقي كشختي من مكياج وتسريحه شعر يوم دخلت الغرفه الا المرايه بوجهي واشوف فستاني وسيع مره علي قلت يووه ليش شكله كذا لاني في الواقع لابسته وكان حلو، تذكرت اني كنت البس تحته قطعه مثل البطانه الكامله كانت تضيقه بس نسيتها مو معي طبعا لان العرس صار فجاه، ضاق صدري قلت يالله وش اسوووي الحين مامعي غير هالفستان راح اتاخر الا وانا الف واطالع المرايه لمحت كان فيه حزام من الخلف تبع الفستان ماربطته قلت حلو فيه حزام ويوم ربطته صار شكله حلووو..(في الواقع الفستان مافيه حزام)
شوي كاني مع اختي لافه شعري برولات وهي متكشخه مخلصه بس انا وضعي كان حوسه لان توني ادري عن العرس وماجبت معي شي، المهم فكيت الرولات وكان شعري شكله مرره حلو متلفلف بس قصير بالنسبه للواقع، رحت بسرعه اضبط وجهي واحط المكياج ويالله يالله لقيته عصبت حطيت بودره الخدود وروج، بعدين فجاه مدري كيف رحت لاختي كانت بالشارع جالسه ع كرسي عند البوابه كانت فخمه كانها بوابه بيتنا بس بيتنا كان قصر وجدا فخم والزواج كان في نفس البيت بيتنا، لما طلعت لها ولقيتها برا اشوف السيارات الفخمة اللي عند الباب كانهم من ضيوف الزواج موقفين سيارتهم وهي جالسه ع كرسي نفس كراسي المدارس القديمه ومعه طاولته اللي ثابته فيه وكان حاطه رجل ع رجل وتهز رجلها كانت بفستانها كان ابيض بس ناعم مافيه اي شي ولا اي نفشه وع راسها ورده بيضا من قماش مثبته ع التسريحه هالكلام كان العصر.!، الا فجاه اشوف رجال شباب جايين يمشون بالشارع وبسرعه دخلت قلت بعد يحسبوني طالعه استعرض قاصده يشوفوني، واستغربت انها عادي ومو يمهم تفكر قلت بسرعه ادخلي.
شوي وانا داخله البيت مريت من عندي المرايه واشوف عيوني شهبا وحواجبي ما رسمتها قلت يالله نسيتها ورحت بسرعه الغرفه احوس وانا متوتره ومعصبه ادور الاغراض كل مابي اتاخر خاصه ان الحضور كلهم وصلوا ومن ضمنهم اهل طليقي ، كنت طول الوقت ابي الحق عليهم لان الوقت تاخر قلت بعد الحين مايشوفني ويحسبوني مابي احضر الزواج والا فيني ضيقه او شي، بسرعه جالسه ادورها لقيت بودره الحواجب بس مالقيت الكحل تعبت ادوره في الغرفه في كل مكان كانت اغراضي قليله بس مبعثرة لمحت وانا ادور مسكرا الرموش تحت السرير وبالصدفه لقيت ع التسريحه كحل مو نفس اللي ابيه لا كحل عادي بس قلت يالله يادي الغرض جلست ارسم عيوني اذكر جا احد من اخواني مدري وش قال الظاهر بسرعه ويوم طالعت الوقت استوعبت اننا لسي المغرب!، يوم خلصت الا شفت تلفيف شعري طاح قلت يووه فكيته بدري طاح التلفيف ضاق صدري مره ، الا مسكت شعري اختي طبعا كانت كاشخه ومخلصه قالت شوفي ماطاح لسي متلفلف وش رايك ارجع الف الرولات قلت وين مايمدي ماتسوي قالت تدرين باسوي فيه تسريحه ومسكت نصفه وبدت تشتغل فيه..

مطلقه _ موظفه _ عندي ولد
اختي متزوجه _ عندها 3 اولاد_ زوجها ابن عم طليقي..
الله يعطينا خير هالرؤيا وخير مافيها والله يصرف عنا شرها وشر مافيها..
والله يوفقكم ويسخر لكم ويجزاكم كل خير..

وعليكم السلام ورحمة الله وبركاته
أختي الفاضلة الكريمة يدل مجمل الحلم على مناسبة حصلت أو ستحصل
وأنت غير مستعدة لها
والله تعالى أعلى وأعلم