اتمنى تفسيره2

بسم الله الرحمن الرحيم
سلام الله عليكم ورحمته وبركاته
شيخنا الفاضل الكريم
رأيت نفسي ومن معي بالحلم نستعد لحفل زفافي! والجميع يعرف بأني سأتزوج!
وقلت لخالتي جواهر أبغاكي تشتري لي جزمة حمراء ليوم زفافي عشان ألبسه!
قالت طيب
قلت لها كم المبلغ عشان أعطيك اياه .. فقالت 700 مباشرة بدون تفكير!
ورأيت أنا أن المبلغ غالي جدا!فقلت لها اشتري لي شي على قد حالنا ..فقالت مباشرة 30ريال وبدون تفكير
واستغربت من الفرق الشاسع بين المبلغين
وايضا استغربت من كون الثلاثين لا تكفي لحذاء رياضي وجزمة عادية اشتريتها بخمسين ريال! فكيف بحذاء لحفل زفافي!
وبعدها قلت لها بروح بآخذها من أمي!
وأمي بنفس الغرفة ..فتوجهنا أنا وخالتي لها وطلبنا الفلوس.. وتفتح أمي شيء ما أفتكر ايش هو ..يمكن قصدير..واذ بداخله 500 خمسمائات كثييرة ومطبوقة بالنصف وفرحت ..وقلت لأمي ما في غير خمسمئات ..قالت الا فيه بداخله ولمحة خمسين وفرحت وإذ بي أرى عشرات فأخذت 3عشرات ..يعني ثلاثين واقول لخالتي يمكن هذي فلوس الجمعية..
واذ بجدتي تقول لخالتي اشتري لها زي كذا ..وأشوف جزمة ليست كعب (في الحقيقة أنا لا ألبس كعب الا ناادرا) جزمة واطية ولونها أحمر ومن عند الاصابع بارزة مثل المثلث المدبب (كل ما سبق عادي جدا) لكن الغريب كان محاط بكرستالات حمراء اللون!وهذا لم أره في أي مكان في الحقيقة ..والغريب أيضا ان جدتي تأمر خالتي بجلب ما هو فيه تبرج حسب رأيها بالحقيقة!وكمان هي زاهدة في الحياة ..فكيف تختار لي هذه الجزمة!وبعدها قلت للأمي متى تشتروا لي فستان الزفاف الاحمر أو ستستأجرون لي الفستان؟!..(لكن أتخيل في نفسي فستان زفافي لون ابيض مائل للون الفضي وبعدها مقطع اننا بمكان زي صالة العشاء حق الزواجات !لكن ليس زواجي وكأنه زواجي قريب واللي معي يعرفون ذلك!
فكنت جالسة في سفرة ومعي في السفرة على يميني وحدة اسمها دعاء والثانية على يساري اسمها أمل ويمكن أم أمل قدامي ولعله في اشخاص آخرين لكن لا اذكرهم ..ويمر من جانبنا نساء خارجين من صالة العشاء وأمل تسألهم ايش بتلبسوا لون ايه!وقالوا لها ..وهكذا كل ما مر اشخاص تسألهم ..فضحكت احدانا عليها وتقول :أمل انتي حتسألي كل الناس عشان تلبسي لون ما احد بيلبسه! فأجابت نعم لأني جميلة أوكلمة مشابهةة لمعنى الجمال...فأنا كنت سأقول لها :المثل المعروف: الحلو.حلو حتى لويلبس خيش ,,لكن تراجعت عن ققولها
وفي آخر مقطع من الحلم كنت أسأل نفسي ألحين كل يعرفوا اني بتزوج !طيب كيف انا وافقت !من غير ما اعرف من هو العريس !؟واللا بس ابغى اتزوج وبس!بعدين قلت في نفسي ايضا ..ابويا ما حيوافق الا على شخص يخاف الله فيني! لي حق أعرف من هو! بسأل أبويا من هو ..
وانتهى الحلم

اتمنى تفسيره بارك الله فيكم

وعليكم السلام ورحمة الله وبركاته
أختي الفاضلة الكريمة يدل مجمل أحلامك الأخيرة على بشرى بمناسبة سعيدة قريبة
وأن هناك عائلة تفكر في خطبتك لإبنها
والله تعالى أعلى وأعلم