|
#1
08 Mar 2013, 10:28 PM
|
|||||||||
|
|||||||||
|
أرجو التفسير جزاك الله خيرا ....
السلام عليكم ورحمه الله وبركاته أرجو تفسير حلمي ياشيخ جزاك الله خير حلمت حلم قبل كم يوم متقطع كأنه أجزاء مدري كيف .. حلمت أني شفت سني اللي يسار الاسنان الاماميه طايح مو موجود (مع العلم اني قبل كم شهر صارت لي حادثه وطحت ع اسناني وانسكر السن الامامي اللي ع اليسار واللي جنبه اللي شفته بالحلم طايح نفسه اللي جنب الامامي ) مع اني الحمد لله سويت تركيبه لكل السنتين , المهم بعد ماشفته طايح قلت لاختي كانت موجودة عند اهلي بالرياض قلت خلي زوجك وهو جاي يجيب لي تركيبه لسني لاني انا مسوية تركيبة سني هناك ( انا واختي متزوجات وساكنات بمنطقه غير الرياض وبالحلم كنت اشوف كاني ع نفس وضعي جالسه عند اهلي بسبب مشكله بس اختي لا جايه تسلم وجالسه كم يوم وزوجها بيرجع ياخذها ) المهم يوم جت بتقوله قلت صح كيف بيجيب التركيبه لازم بأروح هناك علشان تاخذ الدكتورة المقاسات وكذا زي ماسوت قبل قلت بس خليه يجيب شهادتي في بيتي لان عندي اختبار كفايات المعلمات في شهر 5 قال يابنت الحلال مايحتاج قلت وش مايحتاج لازم علشان الاختبار وعلشان الوظيفه وحسيت كأن ماودها اني اجيب شهادتي حتي استغربت وتضايقت بعدين زي كأنها تقول معروف من بينجح من هالاختبار لا تتعبين نفسك فجأة اشوف سني موجود هو واللي جنبه يعني الامامي اللي ع اليسار واللي جنبه (اللي انكسرت في الحقيقه وسويت لهن تركيبه )بس شكلها صايرة صغيييييييييييره ومو حلوووه كأن حواليها دم نفس شكلها أول مابردتهن لي الدكتوره وخلتهن صغيره قبل ماتركب لي التركيبه استغررربت وشلون صارت كذا وماكنت حابة شكلها ابدا .. وفجأة شفت نفسي أنا وأختي في بيتنا القديم في غرفتنا كنا في غرفه وحده ( فعلا في بيتنا القديم كنا في غرفة وحده ), المهم دخلت الغرفه الا اشوف اختي منسدحه ع السرير وكان سريرنا واحد بس مزدوج هو في الحقيقه كان كذا وفي الحلم , وكان لو المفرش ازرق وعليه رسومات صفرا وفوق راس السرير معلق زي الدباديب كلها سماوي الغرفه صايره كلها ازرق وسماوي حتي اقول لاختي احتليتي الغرفه انتي وولدك كأنها كانت حامل ومسويه الغرفه لولدها قالت لا يابنت الحلال لين رحت باخذها معي وباخلي لك الباقي وكان فيه دولاب ع جنب مكشوف ماله ابواب ومحطوط عليه زي الستارة تل وداخل الدولاب دمي باربي كبيره ع طول الانسان 4 او 3 دمي عرايس موقفه استغربت وش هالعرايس المهم وانا اكلمها اقول ان فيه وحده تسوي كب كيك وكذا وهي مو متحمسه للموضوع واطالع ع كمدينتي اللي جنب راسي دميه ضفدع لونها اخضرفاقع كأنها ميدالية كأنها هديه معطيني اياها محل وانا اطالعها طالعتها اختي قلت لاتقولين تبغينها تحطينها في نفاسك ادري علشان لونها (هي فعلا في الحقيقه ناويها تحط في نفاسها اللون الاصفر وتدخل الاخضر الفاقع ) قالت ايه قلت ماراح اعطيك اياه وانا اضحك وطلعت ب عدها رحت للسوق وقابلت صاحبة الكب كيك كانها وحده تشتغل لحالها يعني مو تبع محل معروف هي تسوي ببيتها اخذت من الكب كيك حقها واحنا نمشي كانت قطعة صغيرة بالشكولاته لما عضيت عليها سالت الشوكلاته بفمي كان طعمها لذييييذ مره كنت مسمتعه فيه قلت مره كيكك حلووو وروعه ورحت امشي انا وياها بالسوق اللي يشوفها يقول كأنها وحده من صحباتي وأنا ما اعرفها المهم واحنا ماشين الا اشوف محل اكسسوارات والمح فيونكات للشعر كنت ادورها من زمان لما دخلت اشوفها قلت هذي اللي ابي فيونكتين بس يوم سحبتها لقيتها مجموعه لازم اخذ الكل والثنتين الثانيه ماكانت شكل فيونكات كانت بيضويه وتلمع وحده صفرا ووحده ورديه قلت يوه وش ابغي بهالثنتين احسها حقت اطفال وطلعت مدري اخذتهم والا لا ولما رجعت للبيت قلت لاختي الكب كيك حقها مره لذيذ شكلي بجيب منها وهي مو مقتنعه ومو متحمسه و اقولها انا بجيب القواعد حقت الكيك وباحطها الكيك عليها بعد اسوي لها دعايه كأني باخذ منها الكب كيك بس ماراح اعطيها فلوس باعطيها مقابل ما ادري وشو والله بس كنت ابي انفعها والقواعد اللي اقصد اني احطها تحت الكب الكيك اصلا توضع تحت الكاسات في الواقع بس اللي كنت ناويه بالحلم كأنها مقوية وافخم محفره ولونها بني كأنيكنت ناوية أحطها ع طاوله اجتماعات كبييييييره بأحط قدام كل شخص حبة كب كيك وكأن غرفة هالاجتماعات في بيتنا وما اذكر وش سالفة هالاجتماع ومن اللي بيحضره .. عمري 24 سنه عندي ولد عمره سنه و3 شهور متخرجة من سنتين متزوجه حاليا موجودة عند اهلي من فتره بسبب مشكله مع زوجي ما ادري وش سببها كان بيجي ياخذني وفجأه ماجاء ولاعاد رد ع اتصالاتي ومو عارفه وش السبب !! اختي متزوجه من ثلاث سنوات تقريبا عندها ولد والحين حامل بولد في الشهور الاخيره 
|
| مواقع النشر (المفضلة) |
|
|
العرض الشجري