قطة سوداء عضتني في المنام وصحيت وفي مكان العضه الم فظيع

السلام عليكم ورحمة الله وبركاته
حلمت قبل فترة انو في قطه تلاحقني وانا هربت عند زوجي عشان يحميني منها المهم نطت القطه على يدي وعضتني في طرف كفي وصحيت من الالم لقيت يدي تعورني مثل السكين ينبض فيها وجلست اتلوى على السرير وانا مدري وش السالفه الكلام هذا من خمسه سنوات والى الان يجيني من فترة لفترة نفس الالم وفي نفس المكان الموضوع الثاني مرة كنت مابين صاحيه ونايمه وسمعت صوت في اذني يكلمني يقولي انتي فلانه الفلاني -اسمي الحقيقي-وفي نفس الفترة سمعت صوت قران في اذني مره جميل الصوت ايه الملك القدووس- - - وقلت في نفسي ايوه هذا الصوت الحلو في القران كنت صاحيه على نايمه
ايضا احلم بالثعابين السوداء والحيات والدب والقطط كمان احلم بالعناكب دايم اناوزوجي نحلم بالعناكب ايضا احلم بالكلاب جميع الالوان وحلمت بكلب اسود في طريقي ينط عليه يعضني في ذراعي وانا ابعده بيدي
وفي سؤال محيرني >>لماذا احلم في القطة والكلب الاسود انهم يقفزو عليه عشان يعضوني يعني ليه القفز بالذات اكيد له تفسير<<<
طبعا اعاني من خفقان في القلب من اول ليله زواج والله العظيم وما اعرف طعم الفرح لو في وقت حلو مع زوجي لازم اتنكد ويصير شي حتى لو اهداني ورده مثلا يجيني خفقان وكبت على صدري احس اني حموت استمرت الحاله عدة سنوات وخفت الان لكن الاحلام في الحيوانات لازالت مستمرة واكره يوم الجمعه اسغفرو الله ياربي تجيني فيه ضيقه بالذات من العصر الى العشاء
في نقطه كمان من سنتين صرت احس بش يمشي على انحاء متفرقه من جسمي يتنقل في كذا مكان يجي ويخف
وايضا في شي يمسكني من كتفي اليمين زي الرعشه على ثقل يجلس ثواني ويروح ابتدا يجيني في المطبخ لما اوقف عند الفرن او مجلى المواعين بس لكن مع مرور الايام صار يجيني في اي محل في بيتي له سنتين تفريبا والشي الجديد لاحظتو الاسبوع الماضي انه جاني في السوق لما اجي ابختار شي اشتريه وعند الكاشير-المحاسب-لما ابخرج الفلوس-طبعا ننظرتي للحياه سوداويه وكئيبه ووحزينه واكره كلمت حمل لما اسمعها قلبي يفز واحس بخوف عندي طفل وما ابغى احمل مدري ليه -حملي الاول جاني في ظروف صعبه وما حسيت فيه بالفرح حتى الولادة تعسرت كنت حموت وطفلي ماينومني الليل عنده فرط حركة وتشتت انتباه-تعبانه في حياتي ما احس اني تهنيت مثل البنات في الزواج
لاتقولي جاوبي على الاسئله التشخيصيه لانها مو راضيه تنسخ عندي
كمان افتكرت شي لما انام احس كان احد يصحيني بخوف
والاحتلام جاني كذا مره مع امراءه حقودة شريرة من القرايب -ايضا احس بصعوبه في ترتيب البيت والشغل والتنظيف والطبخ عندي مصيبه طبخي حلو بس اكره اطبخ وصرت انكسف من زوجي يجي البيت والبيت مش نظيف ومرتب مافيه طاقه او احساس يخلوني انظف انا من داخل نفسي اندم وانكسف بس مو بيدي ما ادري في شي غريب
هذا المختصر المفيد
اتمنى من مشايخنا اجابتي على تساؤلاتي وحالتي ولاتبخلو علينا بالعلم والنصيحه