رؤيتين بأحداث متشابهه ..

السلام عليكم رحمه الله وبركاته
ارجو تفسير رؤيا والدتي جزاكم الله كل خير
تقول :
رأيت كأن ابني(م_20_طالب جامعي) جأنا للمنزل وكان وجهه مسود وعيونه بارزه من الروعه يقول وين اخي ع(22_طالب جامعي اعزب) قلت له وش تبي فيه صاير عليه حادث صح وش صار فيه.؟ قال بس عينه قلت وش فيها قال مدري مدري وبسرعه لف وجهه كأنه بيبكي وهرب عني وطلع يركض وطلع وراه اخوه ولدي الكبير(ا_30_اعزب) واتصل عليهم مايردون؛ طلعنا كلنا بالجمس أذكر انا وابوهم وولدي الصغير (ب_18سنه_طالب ثانوي) يوم جاء ولدي ب بيركب شاف ع زجاجة بابه حبل سخيف و قصير يشبه الحبل اللي يربطون فيه الخضروات الجرجير والبقدونس؛ المهم خاف منه قال وش ذا قلت له علقه ع المرايه الجانبيه واحنا ماشين بيطير ويطيح مع الهوا؛ وفعلا تونا ماشين إلا طاح واحنا ماشين ندق على ولدي ع مايرد ندق ع إخوانه اللي كانوا رايحين له ونفس الشي مايردون وندق ندق ردوا قالوا تونا مابعد وصلنا له؛ وقاعده اقول الله يستر الله يستر واتخيل كان عينه سودا واقول شكلها منقلعه وليش ماقالي اخوه وش فيها؛ واحنا ماشين إلا شفنا حادث وحوله سيارات إسعاف قلت لزوجي ابوهم خلنا ناخذ سياره إسعاف معنا يمكن هناك ماوصلهم الإسعاف أو مايصير معهم أكسجين؛ يوم وصلنا مكان حادث ولدي إلا نشوف الدوريه قال لنا ليش جايبين الإسعاف معكم قلت لأننا ما نضمن إذا انتوا معكم إسعاف والا لا والا إذا حولكم مستوصف....

الرؤيا الثانيه لنفسه اخي (ع) اللي حلمت فيها الوالده .

رؤياه يقول رأيت كأني أنا وأخي (ج- 24 سنه - اعزب - يدرس في الخارج )
واحنا مارين بالسياره من عند المسجد طلعت تريله مسرررررعه وصدمتنا ، يقول انا كأني كنت اتالم واتلوى من ظهري
وأخي (ج) اتخيل انه كأنه مات الله يدفع عن البلوى ..

(( للتوضيح هاليومين صار لاخي ع حادث بس الحمد لله ربي رحمه منه ))
الله يكفينا ويصرف عنا شر هالرؤيا وشر مافيها ..
جزاك الله خير ...

وعليكم السلام ورحمة الله وبركاته أختي الفاضلة الكريمة يدل مجمل الحلمين على تنبيه من الله تعالى على الحادث والإسعاف على أنه سيعدي بسلام
والحمد لله تعالى على سلامتك أخيكم .
والله تعالى أعلى وأعلم