|
#1
02 May 2014, 11:27 PM
|
|||||||||
|
|||||||||
|
المنطاد ..
السلام عليكم ورحمة الله وبركاته
أولا أشكررك على تفسير جميع الرؤى في وقت يعتبر مناسب بالنسبة لك كإدارة هالمنتدى الكبير بأقسامه ومواضيعه ماشاء الله الله يجزاك كل خير والله لا يحرمك الأجرررر .. ثانيا ارجو تفسير هذه الرؤيا القصيره الله يوفقك .. رأيت كأني كنت أنا وأختي في ملاااهي وكأن أختي (متزوجه – عندها ولدين )كانت مستلقية في أحدى الجلسات المغلقه الموجوده في الملاهي وأنا كنت مبسوووطه بالمكان والالعاب وتحمست نركب المنطاد لما شفته وشفت الناس طايره في السماء بس كنت مآخذه فكره ان رسوم ركوب المنطاد غاليه حتى اختي متوقعتها غاليه وأصلا ما كانت متحمسه نركب رحت أررركض للمسؤول عن طيران المناطيد وسألت عن رسوم الركوب فيه قالي الساعه ب 20 ! طرت من الفررررحه توقعته اغلى ورحت بسرعه علشان نتجهز قلت لاختي ورحت أجهز شنطة أبني لاننا بنقعد وقت طويل في الجوو فذهبت اغسل رضاعته بعدين تذكرت انه ماراح يحتاج رضعه مو وقت نوم بآخذ لهم حليب العلب اللي معه مزاز وبآخذ لنا شي نآكل منه وبالمره يآكلون منه اذا جاعوا كنت أقصد ابني وولد اختي اللي في عمره .. مريت واحد يبيع مأكولات وطلبت منه صحن تبوله حجم وسط وكأني كنت أجهزها معه ابغاه يخلص بسرعه علشان ما نتأخر لما سكب التبوله في الصحن حط عليها ورقه كبيره من الكرنب (الملفوف ) وشاطبها بالسكين من الجهتين المتقابله فهمت انه قاصدها للتزيين بعدها حط علي ورقة الكرنب جريش !!!! ويبغى يثني ورقه الملقوف او الكرنب علشان يسوي فيها الشكل وكنت أثني الورقه معه ثنيناها بصعوووبه كأن الجريش تجمد بصعوبه انثنى مع الورقه وصارت ورقه الكرنب واقفه بالطول ع الصحن وداخلها الجريش بعدها غطاها و لفها بالبلاستيك علشان اخذها رجعت ورقة الكرنب مثل ماكانت مفروشه على الصحن ومو باينه لان الجريش عليها يعني صار الصحن عباره عن تبوله وفوقها ورقه ملفوف وفوقهم جريش ! اخذتها ورحت اركض لاختي واقولها يالله خلونا نستعجل الا واحنا طالعين بنروح لمقر المناطيد صارت الدنيا ليل مررره تضايقت قلت مسرررع ما أظلم الوقت وشلون بنطلع المنطاد في الظلام يالله راحت علينا ومتضايقه ودي ابكي لاني كنت مره متحمسه قالت اختي عادي خلينا نركب الحين الدنيا كلها اضاءات وانوار قلت ادري بس انا كنت ابغى اركب المنطاد في النهار كنت ابغى اطير في السماء فوق واشوووف كل شي ع ضوء الشمس اشوف حدود الساحل والملاهي والمباني بوضوووح بس في الليل ماراح اميزها وما احس منظرها ممتع مثل النهار ... مطلقه عندي ولد عمره سنتين ونصف والله يعطينا خير هالرؤيا وخير مافيها والله يكفينا شرها وشر ما فيها .. والله يسعددك ويجزاك خير ... 
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض الشجري