حذائي الضائعة فالحلمين جزاكم الله خير

حلمي المتكرر في نفس الاسبوع

الحلم الاول حلمت الله يجعله خير بأني في مجمع مدرسة كبير وفيه الكثير من البنات وكنت ماشيه من مكان

في مكان والمدرسة زحمة وخلال ماأنا ماشية في مدخل فناء المبنى الداخلي للمدرسة الا وحدة بنت داخله

وطالعت فيها وابتسمت وعلى اساس انها بتيجي تسلم علي وبعدها بشوي دخلت وحدة ثانية وطبعآ فالمكان هذا

كأن فيها موظفات استقبال لما دخلت البنت الثانية كان فيه بنات متجمعين على موظفات الاستقبال ماأدري يقدمون

او يشوفوا أماكنهم فالمبنى مو فاهمه ايش عندهم المهم لما دخلت البنت الثانية صرخوا بعض البنات على اساس

انهم فرحانين لما شافوها وهي ابتسمت وجات تسلم علي هي والثانية وسولفنا مع بعض شوي ومسكوا يدين

بعض عشان يروحوا يتمشوا ولفت علي واشرتلي على اساس اني امسك يدها واروح اتمشى معاهم وفعلآ

ووين طلعوا في حوش المبنى طبعآ تراب مع خرسا ن وانا معاهم لما وصلوا للحوش حسيت ان مافيني

جزمة الله يكرمك ياشيخ مضيعتها ماأدري وينها وفي الحوش وانا معاهم جالسة ابحث عن اختي

بين زحمة البنات وانتهى الحلم علمآ بأني آنسه عمري 28 سنه ومتخرجة من الكلية واغلب اللي

شفتهم فالحلم كانو يدرسوا معاي فالكلية وبالنسبة للبنتين الأولى كانت معاي في نفس المستوى وفي

نفس القاعه وبعد التخرج لاأعرف عن حياتها الباقية والثانية درست معاي من أيام الثانوي مع الكلية

وتخرجت وتزوجت وعندها عيال واختي اصغر مني ومتزوجة وجزاكم الله خير الجزاء ...

الحلم الثاني كان اليوم حلمت الله يجعله خير بعد ماصليت الفجر ونمت ان أحنا في حفلت زواج

وكأنه في بيت وجاء وقت العشاء قمت حطيت جزمتي الله يكرمك في كيس هي وغطوه الوجه

وكم قارورة ماء وجلسنا فالسفرة وأكلنا وشوي الا يقولوا يلا خلاص قوموا ألحين الرجال

داخلين وبسرعة قمنا في غرفه مجاورة وخلاص أشوف الناس يستعدوا بيروحوا بيوتهم افتكرت

كيسي اللي فيه أغراضي وقمت أدور عليه كنت لابسه العبايا والطرحة بس وطلعت غطيت

وجهي بالطرحة وهي شفافة وفي قلبي حرقة لأن الرجال جالسين على السفرة يتعشوا فجلست

أدور حولهم وشوي جالسة أدور بين أكياس كثيرة داخلها موز وبرتقال وقوارير ماء وكأني

اسمع والدي وهو يتعشى مع الرجال يقول والله لأقتلها وزوجت اخوي ترد عليه تقول حرام

عليك طبعآ هي تباشر الرجال اللي جالسين يتعشوا عالسفرة وابوي قصده من كلامه اني

خرجت ادور لأغراضي الضايعة امام الرجال وهو زعلان على كذا المهم شوي وحدة من

اخواتي جات تقولي ان وحدة عجوزة من ضمن العائلة تقول تقصدني انا بأني بأخذ من هذي

الفواكة والمويات وانا مو هذا تفكيري مجرد اني ادور لأغراضي الضايعة فعصبت ورجعت

للغرفه اللي متجمعين فيها النساء وفي طريقي قابلتها قمت ادقها بالكلام اقول مو أحنا اللي نأخذ

من حقوق الناس بدون استئذان فتحاشتني وماردت علي وذهبت وشوي الا اخت زوجت اخوي

تناديني وتقول هذي اغراضك وفرحت لما شفتها

ورحت اتاكد وحصلتها فعلآ هي اغراضي علمآ بأن

اللي حصلتها اسمها رحمة وعمرها 35 سنه ولازالت آنسة

والمرأة تلك اللي من عائلتهم واستفزتني بالكلام

ارمله ولديها ابنان وعمرها 55 سنه وزوجة اخوي

عمرها 33 سنه ولديها 3 أبنتان وولد ...