هل هناك لبس ؟

بسم الله الرحمن الرحيم
السلام عليكم ورحمة الله وبركاته
الكثير يعتقد ان الجن او الشيطان يلبس الجسد ويدخله ويفعل مايفعل
والاستناد علي الايه الشريف (الذين يأكلون الربا يقومون كالذي يتخبطه الشيطان من المس )
ودعاء سيدنا ايوب (اني مسني الشيطان بنصب وعذاب )
في اللغه العربيه مس يمس مسا مس الشيئ مسا لمسه بيده ويقال مسست الشيئ وربما قيل مِستُه و مُستهُ ويقال مسه الكبر والمرض ومسه العذاب ومستهم الباساء والضراء ومسه الشيطان=جن ومست به رَحِم فلان =قربت ويقال ايضاً ماسهُ مُماسة ومساساً = لمسه
و الماس = مايمس غيره وهي ماسة ***المِساس =المماسة وفي القرأن الكريم (فإن لك في الحياة الدنيا ان تقول لا مِسَاٍ س)
مافيش معني في اللغه العربيه ولا المعجم بتقول ان ان المس = لبس
واعتقد ان الله سبحانه وتعالي قال (انا انزلناه بلسان عربي مبين )
وده معني المس في جميع التصاريف من المعجم الوجيز
يعني الفرق واضح مع اخترامي لابن تيميه وكافة المشايخ اللي قالوا انه بيدخل الجسم ووصل الامر ببعض المفتيين لتكفير من ينكر ذلك
وبصراحة الموضوع مستفذ وانتشر وكتير فاهمين الشيطان بيدخل
والاستناد علي حديث (ان الشيطان يجري من ابن ادم مجري الدم ) ده حديث محتاج شرح من حد متخصص انا مش الشخص ده
لكن نبص لادم في الجنه وفعل الشيطان معاه (فـــــــــــــــــــــزيـــــــــــــــــن لهم الشيطان )
يعني لو كان قادر يدخل جواه كان دخل وكان استلم القياده وادم كان ماشاء الله يقاس علي قول الرواه ستين زراعا
يعني يدخله قبيله شياطين ومش هايحسوا بزحمة
لكن زين
في سوره الناس (الذي يوسوس في صدور الناس ) طبعا علميا معروف الوسوسه من الودن وبعدين الودن تدي اشاره للمخ ويعدين المخ يدي اوامر لباقي الجسم ومقصود الصدر هنا الفؤاد اي ضمير الانسان
زي (واصبح فؤاد ام موسي فارغا ) يعني قلبها مخطوف علي ابنها وصدرها مقبوض من الخوف عليه

علميا ايضا اغلبكم تعرفوا ظاهره الكهرباء الاستاتيكيه يعني تلمس حد تتكرب منه او تلمس اي شيئ تشعر بنفس الظاهره
والعلماء اظهروا ان حول جسم الانسان مجال كهرومغناطيسي وصوروه وفي خلال تصوير شرائح من المرضي المصابين بامراض مختلفه ظهر تلون هذا الغلاف واصبحت الوانه ظاهره ومشعه في المصابين بحالات تم تفسيرها انها بفعل الجن وامراض مجهوله المصدر
هنا النقطه اللي انا عاوز اركز عليها
ان الشيطان بيتحكم في هذا المجال حول جسم الانسان وبالتالي بيتحكم فيه خارجيا
وليس من الداخل
واكتر من دليل فيه مشايخ ماتستحقش اللقب بتحب تضرب المرضي هل مره مريض فيهم قال انه محسش بالضرب؟
وعاوز الاجابه يا مشايخ من مريض اتضرب لان طالما فيه تلبيس هايكون دور الجسم البشري غطاء للشيطان الموجود والضرب يفرض انه بينزل علي الجني او الشيطان
طبعا مابيحصلش ان مريض يقول محسيتش
وبما ان اغلب الاعضاء ماشاء الله عليهم رقاه حد رقيتوه قال ان دراعه اتحرك من خلال اعصابه والا بيقولوا لكم حسيت ان حاجه رفعت ايدي وحد زقني الخ هذه التعليقات ؟؟؟؟؟ظ
يا اخوه احنا محتاجين نعيد حساباتنا ومش عشان ابن تيميه قال بيدخلوا يبقي خلاص بيدخلوا
وبعدين ده فيه احاديث موضوعه عن الرسول صلي الله عليه وسلم مش هايقولوا ابن تيميه قال ؟؟؟
اعتذر للمهاجمين قبل المؤيدين لكن ارجو التفكير قبل الرد
انا راجل ممارس ورائي بقوله لشيئ عارفه ومجربه
وانا عاوز استفاد منكم ومن خبراتكم قبل ماحد يفكر اني معاكم عشان اتمنظر انا في الاول او في الاخر طالب علم
لكن عاوز احصل علم صحيح لو ما افادنيش هايفيد حد بعدي ويوفر علي طرق غير سليمه سلكتها عشان اوصل للي عندي
والسلام