|
#1
20 Dec 2013, 10:07 PM
|
|||||||||
|
|||||||||
|
رؤيا لوالدتي في أخي ..
أرجو تفسير رؤيا والدتي جزاك الله خير .. سأسردها على لسانها .. رأيت كأني أنا (عمري في الخمسين -ربة منزل ) وولدي (س –أعزب – عمره 27تقريبا –يعمل في القطاع الخاص ) وأخوه أصغر أبنائي (ب – 13سنه) كأننا راكبين مع ولدي (س) في سيارته ثم وقف عند البقالة ونزل وأحنا بقينا في السيارة بعدين جاء ولدي الصغير وشغل السياره حسيت انها مشت ! قلت له ليش لمست السياره قال ما ادري كنت أبغى أشحن جوالي .. المهم تحركت السيارة حاولت أني أوقفها وأنا أصارخ على ولدي الصغير(أهاوشه )ع اللي سواه وهو لم يبالي لكلامي كأني ما أكلمه لأنه كان يلعب بالجوال .. فجأة صرت أنا اللي أقود السيارة وقلت الحمد لله اللي في جهتي دعاسات (فرامل &بنزين )!!!(في الواقع ماقد قدت سياره في حياتي ) المهم صرت أدعس عليها بعدين طلعت علينا سيارة حاولت أبعد عنها فدخلت على الطريق المزفلت وصرت ألف يمين وشمال علشان ابعد عن السيارت الجايه كأني كنت معاكسه , فجأة استدارت السياره حاولت أعيدها وصدمت في سياره كانت جمس لونها رمااادي غااامق صدمتها من الخلف وأنا أحاول أبعد عنها لفيت وجيتها من الجنب وصدمتها مره ثانيه يعني جنب سيارتنا صدم جنب سيارة الجمس (محكته السيارتين في بعض من الجنب ) بعدين شفت لون الجمس صارعنابي مع انه قبل ما اصدمه كان رمادي محروق !! وحتى سيارة ولدي الكومارو اللي أنا راكبتها بعد لونها صايرعنابي (-مع انها في الواقع لونها فضي - وايضا في الواقع ولدي عمل فيها حادث قوي بس الحمد لله ربي لطف فيه ولها كم شهروالى الان في التصليح مدري اذا هذا له دخل بالرؤيا ) المهم قلت لولدي الصغير (ب) شفت الألوان لون سيارتنا وهاللي صدمناها نفس اللون بالضبببببببط كنت متفاجئه بعدها شفت ولدي (س الكبير ) طلع من البقاله قلت لولدي الصغير يالله نروح بسررررعه لأخوك علشان يشوفنا مايقعد يدورنا ويقول وين راحوا ؟ في لحظه حسيت كأني في غرفة مع ولدي الكبير (س)وأبوه (زوجي )كان جالس في الغرفة وعلطول وأنا داخلة الغرفه رحت للمكتبه قال زوجي لولدنا (س) اطلع فك الستاره على السلم وهو يفك الستارة طلع عليه وزغ (ضاطور )صار يصرخ يحاول أنه يبعده او يطيحه بيدينه وماقدر لانه فوق مرتفع ويقول وش هذا كأنه وزغ قلت ايه وشفته طلع من جسمه من عند صدره ورقى لرأسه وكان لونه على بياض .. بعدها قفز من على السلم ونفس الشي قاعد يدوووور ويلف وينفض شعره علشان يطيح وانا واقفه طلع من تحت المكتبه تقريبا من بيني وبين المكتبه وزغ صغير لونه اسووود وييقفز قفز كأنه يبي يهرب من الغرفه (كأنه واحد ثاني غير عن اللي رقي على ولدي ) المهم قلت للأب خذ الجزمه (الله يكرمك ) واقتله بس جالس تتفرج علينا بسرررررعه بسررررعه قبل ما يطلع من الغرفه , قال ولدي (س) ماطلع من جسمي أنا قاعد أحس فيه يطلع وينزل يبغى يجي على وجهي (يقصد الوزغ الاول اللي لونه ع بياض ) قلت له انتبببببه سكر فمك لايطرش (يتقيأ) فيه .. والله يوفقك ويجزاك الجنه .. 
|
| مواقع النشر (المفضلة) |
|
|
العرض الشجري