جزاكم الله خير

خرجت انا وزوجي ما ادري وين كنا رايحين وفي الطريق شفت حريم ماشيات ومن ضمنهم ( ن ) ماكنت اشوف وجها لكن في الحلم اشوف انها هيه .ولابسه فستان اتذكر انه طويل لكنه بدون اكمام او شي زي كذابس ماكان محتشم وكانت ماسكه كلب صغير ابيض ومربوط في حبل . وهي اتذكر كانت كاشخه ولابسه جزمه بيضا واولادي كانوا معاي في السياره . ووقف زوجي ولكنه ماقال لي انه بيوصلها معانا ولا شي . وتفجأت لما وقف لها . واشوفها كأنها تجري وفتحت الباب ودخلت وصارت السياره مزحومه وكلبها في حظنها . المهم انا زعلت مره وتضايقت ليش ركبها . وغرت على زوجي منها . وقلت كيف تركبها معانا هي وكلبها وزوجي كأنه تضايق من الكلب بس كان ساكت. وكنت جالسه قدام وصرت اطالع ورا وانا خايفه من الكلب يجي علي . واشوف اولادي يحاولون يبعدون عن الكلب وخايفين منه . الكلب كان شكله حلو وابيض لكن لما ركبت معانا شفت فم الكلب يخوف ولونه بني وشفايفه عريضه . وما كنت اشوف من اولادي الا اللي جالس جنب الحرمه وكان خايف من الكلب ويحاول يدف اخوانه عشان يبعد عن الكلب . المهم اني كنت زعلانه مره . ولما وصلنا للمكان ( كأن المكان جامعه لان الحرمه هذي تدرس في جامعه ) بعدين صار أحداث بس انا ناسيه الحلم . وصار ملخبط . يعني انا لماصحيت ماقدرت اتذكر باقي الاحداث الا الآتي ( وانا داخل المكان هذا هي راحت مع زميلاتها وانا وزوجي في مكان ثاني وأولادي ماعاد شفتهم . وكأني شفت الحرمه جت وكلمت زوجي . وأنا انقهرت مره . ووقفت في وجها وخاصمتها وقلت لها مايحق لك تكلمين زوجي وتكلمت عليها . وبعدين جلست زعلانه وزوجي حس اني متضايقه وزعلانه . وكنت احاول ابين لزوجي غيرتي عليه وقهري من تكلمها معاه . وبعدين ( نسيت بعض الاحداث بس اللي اتذكره ان زوجي أخذ جوالها وفتحه . بس انا ماشفت هذا الشي في الحلم بس شفت زوجي وهو يقول لي ( شوفي قليلة الحيا هذي ماتوقعت منها كذا وفهمت انه شاف شي ماهو كويس في جوالها . وكان زوجي منصدم منها ومتفاجأ منها . قلت انا اكيد وش تتوقع من وحده زيها وهي بنت الكفار وقمت اسب فيها . وبعدين جينا خارجين انا وزوجي من المكان وزوجي مازال يتكلم عنها وعن قلة حياها وانه ماتوقع انه يلقى في جوالها اللي لقاه وانا اقول نفس الكلمه ( بنت الكفار ) واشوف كأنها اخذت جزمتي في رجلها وكأنها كانت لافه حافة الجزمه من ورا يعني ماهي لابساها بالكامل . وانقهرت قلت عدمت علي جزمتي . المهم اشوف اني انا وزوجي كنا نحاول نهرب منها وكأن فيه احد يلحقنا . ولما طلعنا برا جيت ابغى اخذ جزمتي فما لقيتها وكأني اشوف حرمه تقول خذي جزمتها مادام هي اخذت جزمتك . وورتني جزمتها ، كانت بيضا مع وردي وكانت بوت رياضي فلبستها بسرعه ولفيتها من ورا . قلت بخربها زي ماسوت هي بجزمتي . وجيت ابغى اهرب بسرعه الا اشو ف كأن زميلتها جايه بسرعه تبغى تلحق تأخذالجزمه قبل لا البسها ويخلوني بدون جزمه . لكن مالحقتني لاني لبستها بسرعه وهربت . واخر
شي اتذكره اني كنت ابكي بحراره ومقهوره غيرانه على زوجي منها وزوجي حاضني من وراي ويحاول يراضيني ويقول انه يحبني وكنت حاسه بحنانه علي . وصحيت وانا احس اني كنت ابكي صدق ومقهوره صدق .
انتهى الحلم .
معلومه:
المرأه اللي رمزت لها بالحرف ( ن ) هي وحده بنت عمرها 22 سنه غير متزوجه وعربيه . كانت مسيحيه ودخلت في الاسلام لها 4 شهور تقريبا . وأسلمت على يد واحد عربي ايضا . وهو يدرس معاها في نفس الجامعه . وطلب من زوجي اني أعلمها الصلاة والوضوء وبعض امور الدين . وصارت تجيني البيت لهذا الغرض . ولكنها بعدين صارحتني انها تحب زميلها هذا . وانها دخلت في الاسلام على أمل انه يتزوجها . ولكنها قالت لي انها ما تعرف مشاعره اتجاهها ولا لمح لها انه يرغب الزواج منها ابدا .