لسعات النحل ..

بسم الله الرحمن الرحيم

أرجو تفسير رؤياي جزاك الله خيرا..

رأيت كأني كنت ذاهبة لصديقتي (أ) (موظفة – 25 سنه -عندها ولد – على خلاف مع زوجها من فترة ) في شقتها
ولما دخلت أنا وباقي صديقاتنا الثلاث طلعت من الغرفة أبغى أروح لدورة المياة أبغى المراية علشان أشيك وأضبط نفسي
وهي كأنها كانت في المطبخ ,رحت لدورة المياة الموجوده داخل البيت لما دخلتها اعجبتني الوانها الاكسسورات برتقالية
والارضيه والجدران بيضاء مررره اعجبني شكلها بعدين كأني استوعبت وقلت في نفسي يوووه لاتكون ماتبغانا ندخل دورة المياه هذي
لانها مجلستنا في مجلس الرجال اكيد تبغانا نستعمل دورة المياه الموجوده في قسم الرجال , حاولت استعجل ارتب نفسي واطلع بسرعه
الا جتني وعادي كانت مبتسمه ماقالت شي واقولها مررره حلوه دورة المياه الالوان مررره اعجبتني ,, ضحكت ومشينا مع بعض رايحين لباقي البنات في الغرفة
جلست معهم وجابت لنا (أ) باقة ورد تقدمها لنا كأنها تقدم حلا يعني كل بنت تأخذ ورده وكانت الباقة أشكال من الازهار والورود لونها كلها اصفر
وكان فوقها يدور مجموعة نحل لما جاء الدور عندي أخذت منها وردة دوار الشمس من أخذتها هجم النحل على الورده وعلي وحاولت ابعده عني وانفضه
ولسعتني نحلتين وحده على ساعدي والثاني على خدي واعتقد اني بعدها رميت هالورده علشان كذا أبعدوا عني وأشوف اللسعة اللي بيدي على ساعدي
لقيت فيها ابرة النحلة وشلتها وفركت مكانها واللي في خدي ادور الابرة او الدبوس حق النحله مالقيته بس حسيت مكانه صاير كأنه جرح صغير ..

بعدين فجأه كأني أنا وهالبنت (أ) بلحالنا كأن البنات راحوا ,كأنها كانت منسدحه على سريرها ومتلحفه وانسدحت جنبها واقولها واعلق على لسعات النحل
أعطتني من على كمدينتها اللي جنب راسها علبة كريم صغيييييره قالت هذا الكريم زين حطي منه واخذت منه وحطيت على اللسعات ..

بعدها كأني طلعت من بيتها كأنها بتوديني لبيتي ركبنا السياره كانت جمس كأنها سيارتنا سيارة اهلي المهم وقفنا في الشارع كأنه الشارع العام
اللي عند بيتنا ونزلنا وجلسنا على طرف السياره من الخلف ، شوي الا جوا شباب يعاكسوونا خفنا كثييير قلت في نفسي يالله يحسبونا قاصدين نوقف
كأننا نستعرض في الشارع علشان يشوفونا مايدرون اننا مضيعين كنت خااايفه رحت لباب السيارة حق المرتبة الثانيه اللي خلف السواق أبغي اركب
وصديقتي راحت من الجهة الثانية وكان واحد من الشباب واقف من جهتها وهي رايحة تركب ويحاول يحارشها وما أحس انها خايفه منهم
الا فجأة جاء أخوي الكبير(أعزب -27 سنه – موظف في القطاع الخاص ) راكب الجمس حقنا يعني مو سيارته مر من عندنا مرررره خفت يوم شفته
قلت عسي مايعرفني بيعصب ليش الان الساعه 10 ونص او 11بالليل وانا برا البيت كأننا كنا متغطيات لما مر من عندنا هدأ السرعه ويمشي شوي شوي شوي
ويطالعنا قلت عسي مايعاكسنا بعدين تصير المشكله مشكلتين مررره كنت خايفه بس كمل طريقه ومشي بعدها أنا ركبت السياره
وأشوف الشاب اللي كان يحاول يحارش صديقتي (أ) يتكلم معها فتحت بابها من داخل وقمت أهاوشه وأصارخ عليه بصوت عالي كأنه خاف وبعد عنها ..
بعدها هالشاب اللي صارخت عليه ركب جنبي في السياره في المرتبة الثانية !!!!!!!!!!
والثاني قام هو اللي يسوق وصديقتي ركبت جنبه قدام !! كنت مستغررربه خير راكبين معنا بس ماكنت خايفه منهم لاني احسهم خايفين مني ..
الا واحنا تونا ماشين شفت أخوي مار مره ثااانيه يمشي بهدوء كأنه مو مرتاح من الوضع ويدور بالمنطقه لما شفته قلت يوووه هذا أخوي ياويلي منه ,,,
كأني خايفه انه يهاوشني على التأخير بس الغريب اني مضيعة البيت يعني بالعكس المفروض اروح له !!

المهم قالت صديقتي وينه قلت هذاك راعي الجمس الأحمر وتحسفت وسكت علطول قلت في نفسي على غبائي أبين أنه اخوي واحنا معنا هالشباب الثنين بعد يسون لي مشكله معه ,,
نزلنا من السياره وفجأة كأننا شفنا شباب كثير متجمعين في الشارع خفنا أنا وصديقتي من انهم يشوفونا قلنا اكيد ماراح يتركونا ورحنا نركض بسرعه
علشان مايشوفونا وكأن معنا بنت خالتي (25 سنه – متزوجة عندها ولد )واحنا نركض كأننا شفنا أرض فاضيه على شارعين محفوورة استعداد للبناء
وكان ع طرفها ع جدران الجار 3 اعمده رحنا نركض لها من جهة الشارع أنا تخبيت ورا اول واحد اللي لاصق بجدار الجار الثاني وصديقتي الاخيرالقريب للشارع
وبنت خالتي لما جت تتخبى في العمود الأوسط ما جت من خلف الاعمده جت من امامها يعني نزلت في الحفرة المحفوره وطلعت للعمود وصار بإمكان الشباب يشوفونها
لانها قدامهم قلت لها من وين جاية انتي تبغين تفضحينا تجين من قدامهم وكأن صديقتي معصبه عى حركتها ,,
يعني صاير بينا وبينهم هالارض المحفووووره لانهم على الشارع اللي قدام هالارض واحنا متخبين ورا الاعمده يعني صايرالعمود قدامنا وهو اللي مغطينا وجدار الجار خلفنا ..

بعدها تتسللنا بهدوء علشان ما ينتبهون علينا ورحنا نركض الا دخلنا على ملحق كله رجال شباب دخلنا بينهم بسررعه نبغى نطلع من الباب الثاني كانوا ثلاثة شباب
كأن اللي في الشارع تبعهم بس لسي مادخلوا المهم كان واحد من هاللي جالسين يطالعنا يقول يحليلهم ويطالعني ويتكلم بصوت واطئ يتكلم بأسلوب كأني طفله صغيره
يشوفونا كأننا أطفال ويضحك على اشكالنا اننا خايفين وكذا ,, المهم لما جينا بنطلع من الباب الثاني لهاالملحق الا شفنا الشباب جووا عنده بيدخلون وصرخت بنت خالتي
قالت هذا اخوي بشااار معهم (كأنه بشار فنان كويتي ) ووقفنا الا جاء هذا الولد اللي كان يضحك علينا وقال تعالوا ياحبايبي بأطلعكم من هنا وبأرجعكم
كأنه يقصد بيرجعنا لأهلنا اسلوبه وتعامله كأنهم يعامل أطفال صغار مع انه موكبير شاب رحنا معه وما كنا خايفين منه ابدا ..

مطلقة من 9 شهور
غمري 25 سنه وعندي ولد عمره سنتين ونصف
والله يعطينا خير هالرؤيا وخير مافيها والله يكفينا شرها وشر مافيها
والله يوفقك ويسعدك ولااايحرمك الاجر ..

أختي الفاضلة الكريمة
وعليكم السلام ورحمة الله وبركاته
يدل مجمل الحلم على تنبيه من الله تعالى من بعض الصديقات اللاتي يظهرون أنهن طيبات وهن يضمرن لك السوء والعلاقات السيئة مع الشباب السيئين فأحذري بارك الله فيك
والله تعالى أعلى وأعلم