صديقتي ..

السلام عليكم ورحمة الله وبركاته

أرجو تفسير رؤياي جزاك الله الجنان ..

رأيت كأني كنت ذاهبة عند صديقتي (م - متملكه وستتزوج وتذهب لامريكا – موظفه في بنك )كأنها كانت ساكنه في شقة خالها او اخوها ما اذكر ، المهم لما
دخلت اشوف عندها بنات سودانيات الجنسيه استغربت وش سالفتهم قالت لي وحده
منهم شفتي صديقتك (م ) صارت عرافه !!

قلت أنا ياحليلها هم كذا اهل الجنوب يحبون يسوون ويجربون كل شي أنا كأني كنت فاهمه أنها عرافة يعني خطابة تخطب وتزوج الناس ، وفعلا وحده من هالبنات السودانيات قالت لي شفتي هذي بطاقة زواجي انها هي اللي خطبتنا لبعض !
وتخليني أشوف بطاقة زواجها كانت جدا متواضعه كأنها قطعة ورق ملون اخضر وملفوف مثل الرسائل القديمه سحبتها علشان اقراها ومن قريتها وتركتها رجعت تتلف ابتسمت لها وقلت الله يوفقك ..

الاجت صديقتي واقولها حركات صرتي عرافه وأسولف معها الا جت زوجة أخوها أو خالها اللي هي موجودة عندهم وقالت لها ترا بأسبقك للشاليه طيب قالت خلاص بألحقك كنت مستغربة ليش صديقتي جالسه عندهم ..

رحت لغرفة في الشقة مدري وش كنت ابغى الا لقيت حذائي صندل لونه زيتي قلت يوه أثره عند (م ) قلت في نفسي يبغالي أخذه أخاف لين أحتجته فيما بعد أنسي انه هنا والا أشوف عند الطاوله بعد حذاء لي ثاني صندل لونه أسود استغربت حتى هذا عندها قلت لازم أخذهم اكيد بأحتاجهم ..
ولقيت لي أغراض ثانيه كأنه مفرش وحطيته ورحت علشان آخذ الأحذيه الاجاء ابني يركككض لي لابس فستاني !! فستان سهررره كأنه لي طويل عليه يسحب على الارض !! جاء يركض لي وضمممني بقوة وأنا أضحك من شكله بالفستان
وصديقتي (م) كانت وراه والبنات معها قاموا يضحكووون عليه يقولون ياحليه اشتاااااقلك وكأن الفستان ما لفتهم ولا علقوا عليه ..

عمري 25مطلقه من 8 شهور
متخرجه وعاطله
ولدي عمره سنتين و5 شهور

والله يعطينا خير هالرؤيا وخير ما فيها والله يكفينا شرها وشر ما فيها ..

إختي الفاضلة الكريمة
وعليكم السلام ورحمة الله وبركاته
يدل مجمل الحلم على أن صديقتك هذه تحبك كثيرا وتبحث لك عن عريس مناسب
الله تعالى أعلى وأعلم