السلام عليكم ورحمة الله وبركاته
لو سمحت يا شيخ انا متقدم لخطبتي شاب مناسب لي وشخص كويس لكن اهلي معترضين علي نقطه تخص اهله وخاصة اختي رافضه تماماً وفي الاخر قالولي القرار ليكي وانا خايفه ومتردده ومش قادره اخد قرار لكن دعيت ربنا انه يلهمني الصواب وحلمت حلم يمكن تفسيره يساعدني في اتخاذ القرار

حلمت اني ماشيه انا وصديقتي وانا كنت عايزه اشتري دقيق وسكر ولقيت محل فيه زميل ليا في الشغل اسمه وليد لقيته بيبيع الدقيق والسكر بس صدقتي قالتلي انه بيبعهم اغلي من السوق قلتلها مش مشكله هشتريهم حتي لو اغلي ورحت واشتريت منه كيس دقيق وكيس سكر بثمن اغلي ورجعت البيت لقيت اختي بتكلم امي بغضب وانفعال وانها هتعمل المستحيل عشان جوازي من الشخص ده ما يحصلش ، حسيت بغمه وضيق من كلامها وتركت الاكياس وتركت البيت ونزلت وانا مهمومه وفتحت باب البيت الرئيسي فوجدت قميص هذا الشاب علي عتبة الباب وكان القميص لونه ابيض اخدته وشميت رائحته بعمق فحسيت بانشراح صدر وراحه وفكيت ازرار القميص ولبسته بس كان واسع جدا وطويل لحد ركبتي واكمامه طويله وبعد اما لبسته طلعت الشقه تاني وماخرجتش ولقيت اختي بتنظر ليا بدون تعليق
وجزاك الله كل خير علي المجهود وجعله في ميزان حسناتك