|
رد: وداعا ....لن تكونى صديقتى!!!( عاجل الى كل مدخن )
واخرتها؟؟؟؟
1_يا اما تتوب وده باختيارك
2_يا أما اتحمل عذاب الدنيا او عذاب الاخره او الاتنين بس المره دى مش بأيدك الاختيار
مش فاهم؟؟
لو أصريت هتتعاقب فى الدنيا او الاخره او الاتنين
ومش بأيدك اختيار شكل عقابك
سمعت الشيخ محمد حسين يعقوب بيقول حاجه تخوف
قال لو واحد ربنا رزقه بفلوس فقطع الفلوس دى وقعد يعيط ويقول يارب ادينى فلوس
قال تفتكروا ربنا يستجيب له قال لا ده كافر بالنعمه لا يحسن التصرف فيها
وربنا نهى ان يعطى السفيه(الذى لا يحسن التصرف فى الامر)
الاموال فقال(وَلاَ تُؤْتُواْ السُّفَهَاء أَمْوَالَكُمُ الَّتِي جَعَلَ اللّهُ لَكُمْ قِيَاماً )
- يعنى لو اصابك مرض بسببها ودعوت الله ان يشفيك ولم يستجيب فلا تحزن
- لو جالك سرطان متزعلش انت الى كنت بتسعى انه يجيلك
- او اصابتك جلطه فمعلش انت الى اخترت
- او اصابتك مصيبه الم تسمع (وما أصابتكم من مصيبه فبما كسبت أيديكم ويعفو عن كثير)
- او ضاق عليك رزقك الم تسمع إن العبد ليُحرم الرزق بالذنب يصيبه
- او شعرت بالضيق والاكتئاب الم تسمع ومن أعرض عن ذكرى فإن له معيشه ضنكا
- وان حرمك زياره بيته فانت حرمت نفسك اولا
- لو بتشرب علبتين سجاير فى اليوم ثمنهم يطلعك عمره فى سنتين
بل
ان لم يصبك أحدها فاعلم انك فى خطر أعظم
مش خايف من سوء الخاتمه؟
ويبعث المرء على ما مات عليه
هيبقى ايه احساسك لما تلاقى واحد جنبك مبعوث وهو بيصلى ولا بيقرا قرءان وانت مبعوث فى ايدك سيجاره؟؟
وان مش هتكلم عن العقاب ولكن هكتفى بذكر حديث وموقف
قال رسول الله فى حديث له(من قتل نفسه بشىء فى الدنيا عُذِب به يوم القيامه)
الراوي: ثابت بن الضحاك المحدث: البخاري - المصدر: الجامع الصحيح - الصفحة أو الرقم: 6047
خلاصة الدرجة: [صحيح]
يعنى هتتعذب بيها فى الدنيا وربنا هيعذبك بيها يوم القيامه
ونرجع نسأل ليه؟؟ليه تعمل فى نفسك كده؟؟انت مستسلم للشيطان كده ليه؟؟؟
فوووق اصحى اسمع الشيطان هيتبرأ منك ازاى
(وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِي عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِنْ قَبْلُ إِنَّ الظَّالِمِينَ لَهُمْ عَذَابٌ أَلِيمٌ)) (22)إبراهيم
متلومش حد غيرك!
متلومش حد غيرك!
واما الموقف هو موقف من مواقف يوم القيامه مش هنتكلم عن الوقفه ال50 الف سنه ولا هسألك تفتكر هتقف قد ايه؟ ولا على العرق ولا هسألك تفتكر هيوصلك لحد فين ولا على النار ولا على..ولا..........
ولكن عن موقف الحساب!!!!
لما تقف قدام ربنا ويسألك عن ذنوبك هتقول ايه؟؟؟؟
الموقف ده صعب قوى
فكر
هتقوله ايه
لما يسألك عن عمرك فيما أفنيته؟
وجسدك فيما أبليته؟ هتقوله ايه فى السجاير فى الجرى ورا الدنيا
لما يسألك عن مالك فيما أنفقته؟؟
هتقوله ايه؟
لما يسألك عن المال ده وانفاقك له فى الحرام وعن الاسره الفلانيه الى كان ثمن سجايرك فى الشهر يعيشها وعن اليتيم الفلانى الى كان ممكن تكفله بثمنها وعن العمره الى مطلعتهاش بتمنها
وعن وعن
هتقوله ايه؟؟
وارجع تانى أسأل ليه؟مستمر ليه؟ مستنى ايه؟
ايه الى يستاهل تعمل فى نفسك كده؟
قال تعالى
((فذكر إن الذكرى تنفع المؤمنين))
أنت مؤمن وأكيد نويت تتوب مش كده؟
عاوز تتوب؟
 طب أبشر
التوبه سهله ان شاء الله بس عاوزين عزيمه قويه
التدرج فى الترك اثبت فشله مع الاغلبيه برغم انه المفروض ولكن طول ما السجاير معاك والشيطان موجود مفيش امان مع اول مشكله هترجع لنفس الكميه الى قللتها
يبقى انوى دلوقتى هسيبها للابد من ردلوقتى حالا
متقولش صعب وتذكر قول رسول الله
(استعن بالله ولا تعجز)
- 1ودلوقتى لو معاك علب سجاير ارميها فورا اوعى تستحرم الحرام انها تفضل معاك
متقلش صعب طب سؤال الخمر اصعب ولا السجاير ؟
الخمر مش كده؟
الصحابه كانوا بيشربوا الخمر واول مانزل تحريمها القوا بالخمر فى طرقات المدينه بقى فى المدينه انهار من الخمر بعد ما عرفوا انها حرام وان الذى حرمها حرم بيعها وثمنها
خلاص رميت السجاير
- 2قوم اتوضا وصلى ركعتين قضاء حاجه وادعى ربنا بصدق
(بس تكون رميت السجاير الاول عشان تبقى تقربت اليه شبر)
وادعى وادعى ووالله هيستجيب
- 3كل ما تحس انك عايز تشرب سيجاره افتح المصحف اقرا فيه او اقوم صلى او استغفر
- 4ابدأ طلع ثمن علب السجاير الى كنت بتشربها صدقه يوميه... او ادخل بيها جمعيه وانوى انك تتطلع بيها عمره
وتخيل الروعه الفلوس الى كنت بتصرفها عشان تعصى ربك بيها وتضيع صحتك دلوقتى بتتدفعها عشان تروح تزوره وتتغفر لك كل ذنوبك
بس اعمل كده وأرى الله من نفسك خيرا
بالله عليك مش كلمتين سمعتهم وخلاص
ربنا هيسألك عنهم !!
هتتسأل مستجايتش ليه؟
هتقول ايه؟
متزودش على نفسك سؤال !!
استجب الان فالموت يأتى بغته
وأبشرك
((إِلَّا مَنْ تَابَ وَآَمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا )) (70) الفرقان
مبروك التوبه
وتذكر
التائب جبيب الرحمان
ومبروك كل سيئاتك بقت حسنات
الموضوع انتهى
أسأل الله ان يجعله حجه لك يوم القيامه
ولسان حالك يقول كما قال المؤمنون
((رَّبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُواْ بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأبْرَارِ))
سورة آل عمران اية( 193)
ولا يجعله حجه عليك
ولسان حالك يقول كما قال الكافرون واليهود
((خُذُوا مَا آتَيْنَاكُمْ بِقُوَّةٍ وَاسْمَعُوا ۖ قَالُوا سَمِعْنَا وَعَصَيْنَا ...))
اللهم أهدى المسلمين
اللهم يسر لكل مسلم توبه ترضى بها عنه
اللهم أعنهم ..اللهم ثبتهم
امين امين امين
--------------------------
منقول للفائده
|