السلام عليكم ورحمة الله وبركاته


كنت فى فى الشارع ولقيت ( كلبين كبار ) معديين من أمامى أنا وأختى كلب فيهم لونه أصفر عدى عادى من غير ما يعمل أى شئ


وأما التانى كان لونه ( أسود ) وكبير وشكله مخيف جدا وبص عليا وكانت عيونه بيضاء لا يوجد فيها أى سواد ومنوره


وجه عليا وأنا مسكته بكل قوتى كأنى شلته من على الأرض وقعدت أقول
( أعوذ بالله من الشيطان الرجيم ) كتير قوى


وحاول يعضنى فى إيدى بس كان فيه جلد حاجز بين يدى وبين أسنانه تقريبا جزء من جلد جسمه


وبعدين قعدت أقرى ( آية الكرسى ) بس بصعوبه وببطء كل كلمه بأقولها بالعافيه عشان حسيت إن الإستعاذه غير كافيه


وبعدين الكلب بص الناحيه التانيه وقال : ( هموا قالولى أعمل إيه ؟ ) فبص ليا ونفخ فى وشى


( كأنه تذكر إنهم أمروه إنه يعمل كده )


وعمل نفس الموضوع تانى بص الناحيه التانيه وتقريبا قال نفس الكلام ونفخ فى وشى مره تانيه



وبعد كده مش عارفه راح فيه إما إختفى أو مشى عادى


وبعدين سألت أختى قلتها شفتى الكلب ؟ قالتلى ماشفتش أى كلب خالص


وإستغربت من ردها وإنها إزاى مش شافته هوه والكلب التانى لأنهم كانوا معديين من أمامها قبل ما يجى عليا


والحلم فيه تفاصيل أخرى غير مرتبطه بالكلب ولكن مرتبطه بمشاجره مع جاره تسكن معنا


وجزاك الله خيرا لا يعد ولا يحصى ونفع بك وبعلمك الإسلام والمسلمين