السلام عليكم ورحمة الله وبركـاته ...
اخواني انا متابعه للمنتدى من فتره وجزاكم الله خير جميـعا على جـهودكم..
انا ياا اخواني . لما كان عمري تقريبا17 سنه كنا في طلعه بر
وانا جالسه احفر في الارض الي عندي كان وقت عصـر مليت وابعدت شوي عن اهلي
لقيت مجـموعه اوراق في صـره وفيهم علبه صغيـره زجـاجيه فيها نقط دم وعلى الغطاء حق
العلبه كلام وعلى اوراق كلام والله مدري وش هو المهم مبين عليه انه قديم لان الورق
متقطـع شـوي فتحـته وبعدين خفت انها يكون عمل سحـر ل احد وجلست اقرا المعوذات وايات
الكرسي وبعد كذا مسكـتهم لفيتهم على بعض ودفنتـهم لان نزلت علي حاله خوف وناديت امي
وخليتـهـا تشوفه قالت امي سمي بالرحمـن . وطلعيه لتدفنينـه المهم اني تركته مرمي بذاك المكـان طلعته .
للعلم ان المـكان الي طلعنـا فيه للبـر الناس بيقولو ان فيه جـن وقبايل من الجن تسكـنه بس للامـانه
مالاحظت شي فيه رغم كثـر خروجـاتنا لذاك المكان ....
وشكل المكـان ا( مجموعه جبال )
وليشهد الله على كلامي .بعد ذيك الاوراق الي فتحـتـها . صرت اذا نمـت بمكـان اشوف اختي
تقوم من سريرهـا وتركب الجوال بالشاحن وظلمـه مره وحتى مشت وكان الضوء مولع انا
حاولت اضربـهـا برجلي تخدررت رجلي وخفت دققت بالملامح ماصارت تشبه لاختي وخفت وصحيت اختي
الكبيـره تولع الضوء وقريت صفحه من سوره البقره ونمـت عـادي ..واشياء تصير لي كثيـره حتى مره
في الليل رحت للمطبخ بجيب لي غرض التفت للنافذه لقيت رجل يطـالع لي لونه اسـود خفـت ورجعت للصاله وانا ابكي
وانا لانمــت احس برغبه جنسيه قـويه غريبـه انام وانا يتهيء لي ان في حد حواليا .. اقوم من غرفتي مع اخواتي بنفس الغرفه
اروح المجلس انام مابي احد عندي واحس باشياء غريبه كـان في حد عندي ومنطقه البطن تثقل عندي.واكون بين حـاله من اليقظان
والنوم واحس بشي عندي يلمسني والله احس فيه المشكله اني مدري هو حلم ولا جد وانا مو حاسـه .. بس هي حالات يعني مو بشكل
دائم انام في المجلس
وانا اول يشهد الله ابوي متسلط علي تسـلط يضربني بدون سبب يهاوشني بدون سبب والان لايقرب لي ولاينطق لي حرف ولايهاوشني .
مع انا هي انا وابوي نفسـه اشوفه يهاوش اخواني . وامي انا تاركني بحالي والله مستـغربــه .
حتى الاخبار بعضها اعرفها من قبل . مثل الحروب تنصيب الرئيس الامريكي كنت عارفه انه اوباما وانا في الليل اسمع كل الاخبار بعد
يوم يومين الاقيهـا صايــره ..
وانا الحين مـدري كيـــف مدري كيـف افكر اقول اشياء عاديه ولا وش هي بالضــبـــط .. الله يعين .
افيدوني جزاكم الله خيـــــــــــــــــــــــر.....
اختـكم :محبة النبي,