السلام عليكم ورحمة الله وبركاته
العمر :24
الحاله الاجتماعيه : غيرمتزوجه
عاطله وهاي ثاني سنه لي

حلمت انو معي بنات من اقاربي بالحلم اعمارهم دون الخامسه لكن هم الحين يدرسوا ثنتين بصف رابع ووحده بالروضه كانوا مساكين بيدي وكنت اعبر فيهم طريق مزدوج رايح جاي بعدين لقيت نفسي في بيت وكلب لونه اغبر عاضني بيدي الثنتين يعني ايدي الثنتين كلهم جوه فمه وواقف قدام امي كآنه قاعد يجرني لها بعدين امي فكتني منه لكن رجع مره ثانيه ماسك يدي الثنتين كلهم جوه فمه وقاعد يجرني لأمي وفكتني منه..

مع العلم اني بنفس اليوم اللي حلمت كنت الصبح طالعه مع امي نمشي لان عندها السكر ومرينا السوبر وشرينا غرض وبقت ريالين وعطيتها عامل نظافه بنية شفاء الوالده وان ربي يرزقني بوظيفه لأني كنت انتظر النتايج حق وظيفه قدمت عليها..

واحيانا الصبح لما اطلع لوحدي البقاله(ويكون عندها عمال نظافه)اشتري غرض اتصدق باللي يبقى معي من فلوس لهم حتى لو ريال بنية ان ربي ينفعني فيها بآخرتي واني اتوظف وبنية شفاء اقاربي والناس اللي اعرفهم..

ملاحظه/قبل هذا الحلم كنت بصلاتي ابكي واناجي ربي ابي اعرف اذا ربي يتقبل اعمالي زي قراءة القرآن او الصدقه وغيرها سواء عن طريق حلم او بأي طريقه ..
وانا نادرا ما اتذكر الاحلام اللي احلم فيها..


وشكرا .. والله يسعدك و يرزقك من حيث لا تحتسب..
شكرا على حسن دعائكم ولكم مثله
وممنوع التفسير عن طريق البريد الخاص
وترجو تحويل الأحلام لمنتدى تفسير الأحلام الذي يفتح يوم الجمعة
وتقبلوا أجمل وأطيب دعواتنا</b></i>