السلام عليكم اخواني الاعزاء

اتيت اليكم عالما بانكم لن تخذلوني باذن الله

انا شاب ابلغ من العمر 26 سنه ولله الحمد والمنه

كنت ادرس بالجامعه وابشركم تخرجت الترم هذا بعد عناء دام طويلا

حيث بدات دراستي بالتعثر بعد ان تعرفت على شباب بالجامعه

في ذلك الوقت لم اكن العين وتاثيرها لكن الله اذا احب عبدا ابتلاه فبدات اقرا واذهب الى رقاة والحمدلله


المهم هنا بعد التخرج هناك احد اللذين تعرفت عليهم بالجامعه دائم الاتصال علي مع اني لا اريد مكالمته ومع ذلك يحرص على مقابلتي ومكالمتي وصراحه انا اذا شفته اتضايق واحس بتعب حيث ياتيني ثقل بالركب واسفل الحوض واعلى الكتف جهة اليسار وامس ارسل لي رساله وصراحه حسيت بخوف من الرساله مع انها عاديه يعني يقول في الرساله في تقديم على وظائف ومن هالكلام يعني حريص على مصلحتي الولد بس قريت اسمه بالرساله وجاني خوف مدري ليه مو عادتي وبعد كذا اصير ماودي اسوي اي شي يعني اميل للخمول والنوم والتعب وماودي اسوي اي مبادره مع اني فرحان بالتخرج وودي اروح ابحث عن عمل بس مدري احس بضيق وتشتت بالافكار ومخي ضايع

على فكره انا انقطعت عنه فترة والحمدلله رجعت درست وتخرجت لكن بعد التخرج قابلته ورجعت تعبت


الان اخواني اتمنى منكم اولا الدعاء لي بالخير

ثانيا وش الحل اشان اذا قابلته ما اتعب او اني ما ارد عليه مع اني جلست سنتين ما ارد عليه ولا اكلمه ومع ذلك يتصل ويخلي ناس يدقون علي من الزملاء


يعني هل اقابله وانا حاط مسك اسود اتروش فيه واقابله احشره فيه ولا وش الحل بنظركم


انتظر ارائكم