السلام عليكم يامفسري العزيزارجو منك تفسير حلمي رأيت انا اني بالشارع ماشيه ورأيت في السماء حمام على مد البصر كثير جدا وكان منه احجام ولونه رمادي يعني الحمام العادي المعتاد كله كان المنظر خيااااااااااال
كان الحمام واقفين على قواعد مربعه زي شكل سفر الاكل بالضبط
وكاني طلعت مادري ناسيه دي النقطه بس افتكر اخدت ببسي وشربته وكان الجو غييييييم

الرؤيه التانيه
رايت ان اخي الكبير ايمن كانت بايدة فلوس وقال لي خدي ياياسمين هادي 15ريال لكي و15ريال لامل اللي هيا اختي و15 ريال لعبير كمان اختي وبس انتهى ارجو تفسير حلمي

وعندي استفسار بسيط انا لي مرتين احلم بانو يجيني لابتوب الاول هديه من بنت اعرفها والتاني من اخويا جابوه ليا وكلها لونها اسود بس اللي من اخويا كان معا عطر كمان وبخيت على ايدي منو وماشميت رائحه له نهائيا بس اشكال اللابتوبات فخمه مع العلم انو عندي لابتوب ومن زمااااااااااان من قبل لااحلم الحلم بكتير

الحاله الصحيه جيدة جدا
والحاله الدينيه جيد جدا
ووالداي على قيد الحياة والحمدلله
وانا عزباء واخواتي عزباوات وانا طالبه جامعيه

ياشيخ انا محتاجه تفسيرك لانو في شيخ خوفني قلي ال15ريال يعني في واحد خبيث متربصلك
ومأملك فحاجه وتجيكي اديه وانا عكس الكلام اللي قاله كله وماعندي اديه ومااحس تفسيروصح وانا خايفه مرا الله يخليك طمني الله يطمنك

رؤية اختي ياشيخ الله يعطيك العافيه

اختي حلمت فيا انو بنت خالي بليلة فرحها جابتلي انا خاتم وعلى طول لبسته
وجابت لاختي عبير ورد مش طبيعي بس زي الفواحه تطلع منو ريحه
هل معناته اني حنخطب ليلة فرح بنت خالي
ارجو منك التفسير

اسمي ياسمين وعمري 21