السلام عليكم ورحمة الله وبركاته:
الشيخ الفاضل (أبو الحسن)..أتمنّى تفسر لي رؤيتي هذه..

رأيت كأني واقفة في طريق في الليل وشفت -الملك عبدالله بن عبدالعزيز- (حفظه الله) واقف فيه وكان فيه بنت صغيرة يمكن عمرها 4 أو 5سنوات كنت أنا جدّا ً مهتّمة فيها وأرعاها , يوم شافني الملك على هالحال مع البنت قال لي :(مكافئة ً لك بأخلّيك ترعين هذي البنت وتتكفّلين بها بكل مايختص بأمورها ) , وكأن هذي البنت هي بنت الملك , ثم مشيت شوي في هذا الطريق وجاني الملك ويحمل على كل يدّه أطقم أكسسوارات فخمة فأختار هو واحد منها وكان مرصّع بجواهر خضراء وقال لي خذي هذا واحد لك , أنا فرحت مره بهالطقم , وشافتني زوجة أبوي الثانية وتمنّت أنه يكون عندها واحد مثله فقال لها الملك (خذي هذا لك), ثم مشيت شوي وجاني الملك مرّه ثانيه ومعاه كيس فيه عطور كثيرة , أخذ واحد من هذي العطور وكان فخم مره وقال لي (خذي هذا لك) و أعطى زوجة أبوي كمان واحد , ثم مشيت كمان مره ثالثة وأعطاني شي مررررره أسعدني وفرّحني لكنّي لا أتذكّره بالضبط.

وانتهت الرؤية.

للمعلوميّة : أنا غير متزوّجة و متخرّجة من الجامعة وهناك محاولات للحصول على وظيفة في أكثر من جهة.